નર્મદા ડેમની જળસપાટી મોસમમાં પ્રથમ વખત 137.51 મીટરે પહોંચી

» ડેમના દરવાજા 28 દિવસથી ખુલ્લાઃ હાલ પાણીની આવક 73,589 ક્યુસેક, નદીમાં ઠલવાતું 47 હજાર ક્યુસેક પાણી

ગુજરાતની જીવાદોરી સમો સરદાર સરોવર નર્મદા ડેમ પ્રવર્તમાન ચોમાસાની મૌસમમાં આજે રવિવારે પેહલી વખત 137.51 મીટરની સપાટીએ પોહચ્યો છે. હવે ડેમ છલોછલ ભરાવાથી માત્ર 1.17 મીટર દૂર રહેલો છે. મધ્યપ્રદેશમાં મેઘમહેર અને ઉપરવાસના તવા, ઓમકારેશ્વર, ઈન્દિરાસાગર ડેમમાંથી સતત છોડાઈ રહેલાં પાણીને પગલે છેલ્લા 28 દિવસથી ખુલ્લા છે. જે પણ એક નવો રેકોર્ડ સ્થાપિત કરવા તરફ આગળ વધી રહ્યા છે.