ધો.9, 10ના એક-એક વર્ગ ધરાવતી શાળાઓમાં વધારાના 1 શિક્ષકની ફાળવણી કરવાની કવાયત

અમદાવાદ શહેર DEOએ એક-એક વર્ગની શાળાઓની વિગતો મગાવી અગાઉ આવી શાળાઓમાં 3 શિક્ષક મળતા હતા, પરંતુ ઠરાવ બાદ આવી શાળાઓમાં 4નું સેટઅપ મંજૂર કરાયું

શિક્ષણ વિભાગે તાજેતરમાં ધો.9 અને 10ની એક-એક વર્ગ ધરાવતી શાળાઓમાં 3 શિક્ષકના બદલે 4 શિક્ષકો ફાળવવાનો નિર્ણય લીધો હતો. આ નિર્ણય બાદ અમદાવાદ શહેર જિલ્લા શિક્ષણાધિકારી દ્વારા તાબાની શાળાઓના આચાર્યને પત્ર મોકલી તેમની એક-એક વર્ગની સ્કૂલમાં 75 વિદ્યાર્થી સંખ્યા જળવાતી હોય તો તેમને 3ના બદલે 4 શિક્ષક મળવાપાત્ર હોવાથી આવી શાળાઓની વિગતો મંગાવી છે. શાળાઓએ બે દિવસમાં કચેરી ખાતે વિગતો મોકલી આપવાની રહેશે. શાળાઓ તરફથી વિગતો મળ્યા બાદ જિલ્લા શિક્ષણાધિકારી કચેરી દ્વારા વધારાના શિક્ષકની ફાળવણી માટે કાર્યવાહી કરવામાં આવશે તેમ સુત્રોએ જણાવ્યું હતું.