વ્યાજખોરની પઠાણી ઉઘરાણીથી ત્રસ્ત યુવાનનો ક્લેક્ટરેટમાં આત્મવિલોપન કરવાનો પ્રયાસ

વ્યાજખોરના ત્રાસની અંગે ફરિયાદ સામે સવા મહિનાથી ભીનું સંકેલવાનો પ્રયાસ કરનાર પોલીસે ઘટના બાદ ત્વરીત શરૂ કરી કાર્યવાહી

વ્યાજે લીધેલા નાણા કરતાં વધુ નાણા ચુકવ્યા પછી પણ વ્યાજખોર દ્વારા રોજબરોજ કરાતી પઠાણી ઉઘરાણી થી ત્રસ્ત દેવગઢ બારીયા ના અસાયડી ગામના યુવકે જિલ્લા કલેકટર કચેરી દાહોદના પરિસરમાં જવલનશીલ પ્રવાહી શરીરે છાંટી આત્મવિલોપનનો પ્રયાસ કરતા સમયસર દોડી આવેલ પોલીસે તેની પાસેથી જવલનશીલ પ્રવાહી ભરેલ કાર્બો તેની પાસેથી પડાવી લઈ તેની અટકાયત કરી હતી ત્યારે બીજી તરફ વ્યાજખોરના ત્રાસ બાબતની અરજી આપ્યા ને સવા મહિનો વીતવા છતાં અરજી બાબતે કોઈપણ કાર્યવાહી હાથ ન ધરનાર પીપલોદ પોલીસે આત્મવિલોપનના પ્રયાસ બાદ ફરિયાદ નોંધવાની કાર્યવાહી શરૂ કરી હતી.