ગાંધીનગરથી અમિતભાઇ શાહ જ ચૂંટણી લડશે અન્ય દાવેદારો માટે થોભો અને રાહ જઓ !

ભાજપના રાષ્ટ્રીય અધ્યક્ષ જે. પી. નડ્ડાએ ગાંધીનગર લોકસભાના મધ્યસ્થ કાર્યાલય ને ખુલ્લું મૂક્યું લોકસભા ચૂંટણીની જાહેરાત થાય એ પહેલાં તમામ 26 મતવિસ્તારોમાં કાર્યાલયો શરૂ થયા

ભારતીય જનતા પાર્ટી ગુજરાત એકમે દેશમાં સૌ પ્રથમ તમામ ૨૬ લોકસભા મતવિસ્તારોના મધ્યસ્થ ચૂંટણી કાર્યાલયોને મંગળવારે ખુલ્લા મૂક્યા છે. એમાં, ગાંધીનગર લોકસભા મતવિસ્તારના ઉમેદવાર તરીકે સ્વાભાવિક રીતે અમિતભાઇ શાહ નિશ્ચિત હોવાથી પ્રદેશ પ્રમુખ સી.આર.પાટીલે તેના પ્રભારી તરીકે બક્ષી પંચ મોરચાના પ્રદેશ પ્રમુખ મયંક નાયક અને ઇન્ચાર્જ તરીકે સાબરમતીના ધારાસભ્ય હર્ષદ પટેલને જવાબદારી સોંપી છે. બાકીના ૨૫ કાર્યાલયોના ઇન્ચાર્જ હવે પછી જાહેર થશે. કેન્દ્રીય ચૂંટણી પંચ દ્વારા લોકસભા ચૂંટણી માટેની જાહેરાત થાય એ પહેલાં જ તમામ મધ્યસ્થ કાર્યાલયો ખોલીને ઉમેદવારોને લઇ ભારે સસ્પેન્સ ઊભું કરી દીધું છે. અમિતભાઇ શાહ સિવાયના તમામ ઉમેદવારો માટે તો હાલ થોભો અને રાહ જુઓની જ નીતિ અપનાવવી પડે એમ છે.