નડિયાદના બારકોશિયા વિસ્તારમાં ઝાડા-ઉલટીનો વાવર

૫૦થી વધુ કેસો બહાર આવતાં સ્થાનિકોમાં ફફડાટની લાગણી વ્યાપી

નડિયાદ શહેરના બારકોશિયા રોડ પર આવેલી સોસાયટીઓમાં ઝાડાઉલટીના કેસ જોવા મળી રહ્યા છે. છેલ્લા એક અઠવાડિયામાં ૫૦ ઉપરાંત કેસો નોંધાયા છે. આ વિસ્તારમાં આવેલી ખાનગી તેમજ સરકારી હોસ્પિટલોમાં દરદીઓ સારવાર લઇ રહ્યા છે. રોજે રોજ આ કેસ જોવા મળી રહયા છે. જેથી આરોગ્ય વિભાગ દ્વારા આ બાબતે તપાસ કરીને તાકિદે આ રોગચાળાને અટકાયતી માટેના પગલાં ભરવામાં આવે તેવી માંગણી પ્રબળ બની છે. સાથે સાથે આ રોગચાળો કયા કારણે ફેલાયો છે. તેની તપાસ પણ વહીવટી તંત્ર દ્વારા કરવામાં આવે તેવી માંગણી પણ સ્થાનિકો કરી રહ્યા છે.