મતગણતરીમાં પ્રોટોકોલનું પાલન કરવામાં આવે

સીતારામનની આગેવાનીમાં NDAના પ્રતિનિધિમંડળે ચૂંટણી પંચને રજૂઆત કરી

લોકસભા ચૂંટણીની મતગણતરી પહેલા ભલે એક્ઝિટ પોલમાં એનડીએની જીતની ભવિષ્યવાણી કરવામાં આવી છે, પરંતુ સત્તાધારી પક્ષ ભાજપ પરિણામ પહેલા કોઇ પ્રકારની ઢીલાશ રાખવાના મૂડમાં નથી. આ શ્રેણીમાં ભાજપનું એક પ્રતિનિધિ મંડળચૂંટણી પંચને મળવા ગયું હતું. આ પ્રતિનિધિમંડળનું નેતૃત્વ કેન્દ્રીય નાણામંત્રી નિર્મલા સીતારામને કર્યું હતું.

ચૂંટણી પંચ સાથેની મુલાકાત દરમિયાન ભાજપે વોટોની ગણતરીમાં તમામ પ્રોટોકોલનું પાલન કરવા પર ભાર મુક્યો છે. આ દરમિયાન કેન્દ્રીય મંત્રી અને ભાજપ નેતા પીયુષ ગોયલે કહ્યું કે, આજે કેન્દ્રીય નાણામંત્રી નિર્મલા સીતારામનના નેતૃત્વ માં ભાજપના એક પ્રતિનિધિમંડળે મુખ્ય ચૂંટણી કમિશનર અને ચૂંટણી કમિશનરો સાથે મુલાકાત કરીને ચાર મહત્વપૂર્ણ પગલાં ભરવાની માંગ કરી હતી.