'మత్తు' ఎక్కితే బతుకు చిత్తు!

హైదరాబాద్ లోని ఆసుపత్రి ఛైర్మన్, డైరక్టర్ సహా ఐదుగురి అరెస్టు

ప్రైవేటు ఆసుపత్రిలో ప్రమాదకర మత్తు ఇంజక్షన్ల దందా

టి.నాబ్ దాడుల్లో 57 ఫెంటానిల్ సిట్రేట్ ఇంజక్షన్లు స్వాధీనం

హైదరాబాద్, జనవరి 20, ప్రభాతవార్త: టీబి, హెచ్ఐవి, హెర్నియా సహా పలు రకాల దీర్ఘకాల జబ్బులతో బాధపడుతున్న రోగులకు మత్తుద్వారా ఉపశమనం కోసం వాడే పెంటానిల్ మత్తు ఇంజక్షన్లను డ్రగ్స్ దందాగా మార్చిన ఓ ప్రైవేటు ఆసుపత్రి బాగోతాన్ని తెలంగాణ యాంటి నార్కోటిక్ బ్యూరో (టి.నాబ్) రట్టు చేసింది. ఈ సందర్భంగా సదరు ఆసుపత్రి ఛైర్మన్, డైరక్టర్ సహా ఐదుగురిని అరెస్టు చేయడంతో పాటు 57 ఫెంటానిల్ సిట్రేట్ ఇంజక్షన్లను జప్తు చేశారు.దీనికి సంబంధించిన వివరాలను టి.నాబ్ డైరక్టర్ సందీప్ శాండిల్యా శనివారం మీడియాకు వెల్లడించారు. మొహదీపట్నంలోని ఓఆసుపత్రి నుంచి దీర్ఘకాలిక జబ్బులతో బాధపడే రోగులకు ఉపశమపంకోసం వాడే ఫెంటానిల్ సిట్రేట్ ఇంజ క్షన్ ఒక రకంగా డ్రగ్స్ సమానం. ఈ ఇంజక్షన్ తీసుకున్న వారు కొన్ని గంటల పాటు మత్తులో వుండడంతో నిద్రపోతారు.