అలుగుపారకుండా అలసిన చెరువు

అన్నదాత కళ్లలో ఇంకుతున్న ఆనందం 21శాతం అధిక వర్షపాతం రాష్ట్రంలో నమోదైనా.. సగమైనా నిండని 21వేల చెరువులు

కరీంనగర్ మండంలోని చామనపల్లి అప్పన్న చెరువు

మత్తడిదుంకుతున్న చెరువులు 3247 లోపే..

75 శాతం పైగా నీరు నిండిన చెరువులు 6735

కరీంనగర్ జిల్లా చెర్లభూత్కూర్ లోని ఊర చెరువు

హైదరాబాద్, ఆగస్టు 5,ప్రభాతవార్త: తెలంగాణలో చెరువులు అలుగు పారకుండా అలసిపోతున్నాయి. తెలంగాణ వ్యాప్తంగా సాధారణ వర్షాపాతం 395.8 మి.మీ కంటే 21శాతం అధికంగా అంటే 477.9 మి.మీ వర్షాపాతం నమోదైంది. ఈయేడు 17 జిల్లాలో అత్యధిక వర్షాపాతం 16జిల్లాలో సాధారణ వర్షాపాతం నమోదైంది. తెలంగా ణలో ఎక్కడ కూడా లోటు వర్షాపాతం నమోదు కాలేదు. దుర్భిక్షవాతావర్ణం నెలకొనకపోయినా 21,296 చెరు వులు సగం కూడా నిండకపోవడంతో అన్నదాత కళ్ళలో ఆనందం ఇంకిపోతున్నది . గత ఏడాది ఆగస్టు 5తేది నాటికి 570 ఎం.ఎం వర్షాపాతం నమోదు కావడంతో 21378 చెరువులు అలుగుపారుతూ నిండు కుండలను తలపించాయి. తెలంగాణ వ్యాప్తంగా 34716 చెరువుల్లో గత ఏడాది జళకళ సంతరించుకొంది.

జులై రెండోవారం వరకు పావు వంతైనా నీరురాక కళావిహీనంగా ఉన్న కొత్తపల్లి చెరువు