ఫోన్ ట్యాపింగ్ బాధ్యత బిఆర్ఎస్ పాలకులదే

హైకోర్టుకు అఫిడవిట్ సమర్పించిన కేంద్రం అక్రమ ట్యాపింగ్కు మూడేళ్ల జైలు, రూ. 2 కోట్లు ఫైన్

కేసు విచారణపై రాష్ట్ర సర్కారు కూడా నివేదిక

ట్యాపింగ్ కేసు కీలక మలుపు

హైదరాబాద్, ఆగస్టు 20, ప్రభాతవార్త: రాష్ట్రంలో సంచలనం రేపిన ఫోన్ ట్యాపింగ్ కేసుకు సంబంధించి మంగళవారం నాడు హైకోర్టులో జరిగిన విచారణలో కీలక పరిణామం చోటుచేసుకుంది. బిఆర్ఎస్ సర్కారు హయాంలో జరిగిన ఈ గోల్మాల్ వ్యవహారంతో తమకు ఎలాంటి సంబంధం లేదని, దీనికి అప్పటి పాలకులే పూర్తి బాధ్యత వహించాలని పేర్కొంటూ కేంద్రం హైకోర్టులో అఫిడవిట్ దాఖలు చేసింది. ఇదే సమయంలో అక్రమ ఫోన్ ట్యాపింగ్ తీవ్రమైన నేరమని ఇందుకు మూడేళ్ల జైలు శిక్షతో పాటు రెండు కోట్ల రూపాయల జరిమానా వుంటుందని అందులో వివరించింది. మరోవైపు ఈ కేసులో ఇప్పటి వరకు వెలుగుచూసిన వివరాలను రాష్ట్ర సర్కారు అఫిడవిట్ రూపంలో హైకోర్టుకు వివరించింది. రాష్ట్ర పోలీసు శాఖలో దుమారం రేపి, రాజకీయంగా కలకం సృష్టించిన ఫోన్ ట్యాపింగ్ కేసులో కేంద్రం తన వైఖరిని మరోసారి స్పష్టం చేసింది. ఇప్పటి వరకు చెబుతున్నట్లుగానే బిఆర్ఎస్ హయాంలో జరిగిన అక్రమ ట్యాపింగ్లో తమకు ఏమాత్రం సంబంధం లేదని