జ్ఞానికి జైలైనా, రాజుగారి భవనమైనా ఒక్కటే!

ఓ గురువు ఉండేవారు. ఆయన జెన్ గురువు. ఆయనకు ఓ అలవాటు ఉండేది.అదేంటంటే అప్పుడప్పుడు దొంగతనాలు చేస్తుంటారు.

- - సాత్యకీ రేణుక

ఓ గురువు ఉండేవారు. ఆయన జెన్ గురువు. ఆయనకు ఓ అలవాటు ఉండేది.అదేంటంటే అప్పుడప్పుడు దొంగతనాలు చేస్తుంటారు. అంతే.. ఆ దొంగతనాలు కూడా పెద్దవేమీ కావు. ఆయన చేసే దొంగతనాలన్నీ చిన్న చిన్నవే. ఇతరులకు చెందిన చిన్న చిన్న వస్తువులను దొంగిలించడం, పట్టుబడటం, జైలుకి వెళ్లడం, జైలు నుంచి విడుదల అయ్యాక మళ్లీ దొంగతనానికి పాల్పడటం, మళ్లీ పట్టుబడటం, శిక్ష అనుభవించడం.. ఇదే ఆ అలవాటు.

ఆయన వైఖరి శిష్యులకు ఓ పొడుపు కథలా ఉండేది. మన గురువుగారు ఓ జ్ఞాని. కానీ ఆయన ఎందుకు ఇలా దొంగతనాలు చేస్తున్నారో అర్థం కావడం లేదు. ఒక్కొక్కప్పుడు వారికి సిగ్గుగా కూడా ఉండేది ఆయనను తమ గురువుగారు అని చెప్పుకోవడానికి. కానీ అది బయటకు తెలియనిచ్చేవారు కాదు.

కానీ ఆయనను చూస్తే ఆశ్చర్యంగా ఉండేది. ఎందుకలా చేయడం? శిక్ష అనుభవించడం? ఆయన హోదాకు ఇది ఏమన్నా బాగుందా? అని అనుకున్నారు.

చెవులు కొరుక్కునేవారు. తమలో తాము నలిగిపోవడం ఎందుకు అనుకున్నారేమో? ఆయననే అడిగి తెలుసుకోవాలనిపించి అడిగేశారు కూడా.

"ఏమిటి గురువుగారూ, ఎందుకిలా చేస్తున్నారు? చెప్పులు కూడా దొంగిలించాలా? మీకు కావాలని చెప్తే మేమే మీకు కొనిస్తాం కదా. ఒకటేమిటి? బోలెడన్ని చెప్పులు కొనిస్తాం" అన్నారు.శిష్యులు.