శుభాలనొసగే శ్రావణమాసం

స్థితికారుడు అయిన శ్రీ మహా విష్ణువుకు, ఆయన దేవేరి అయిన శ్రీ మహాలక్ష్మితో పాటు మహిళలందరికీ ఎంతో ఇష్టమైంది శ్రావణమాసం.పూర్ణిమనాడు చంద్రుడు శ్రవణా నక్షత్రంలో వుండే మాసానికి శ్రావణ మాసం అని పేరు. శ్రీ మహావిష్ణువు జన్మ నక్షత్రం శ్రవణ నక్షత్రం. సముద్ర మథనంలో శ్రీ మహాలక్ష్మి ఆవిర్భవిం చింది ఈ నెలలోనే.

- - పి.యస్.యమ్. లక్ష్మి

స్థితికారుడు అయిన శ్రీ మహా విష్ణువుకు, ఆయన దేవేరి అయిన శ్రీ మహాలక్ష్మితో పాటు మహిళలందరికీ ఎంతో ఇష్టమైంది శ్రావణమాసం.పూర్ణిమనాడు చంద్రుడు శ్రవణా నక్షత్రంలో వుండే మాసానికి శ్రావణ మాసం అని పేరు. శ్రీ మహావిష్ణువు జన్మ నక్షత్రం శ్రవణ నక్షత్రం. సముద్ర మథనంలో శ్రీ మహాలక్ష్మి ఆవిర్భవిం చింది ఈ నెలలోనే. అందువల్ల ఈ నెల శ్రీ మహావిష్ణువుతో పాటు శ్రీ మహాలక్ష్మికి కూడా ప్రీతిపాత్రమైనది.అంతేకాదు, ఈ నెలలో వీరికి చేసే పూజలు అధిక ఫలితాలనిస్తాయంటారు.

శ్రావణ మాసం వచ్చిందంటే స్త్రీలలో చెప్పలేనంత ఉత్సాహం, హడావుడి.వాళ్లకి ఎంతో ఇష్టమైన పండగలెన్నో ఈ నెలలో వస్తాయి మరి. కొత్తగా పెళ్లయిన స్త్రీలు ఈ నెల్లోనే మంగళగౌరీ వ్రతం మొదలుపెట్టి తర్వాత ఐదు సంవత్సరాలు చేస్తారు ఈ వ్రతాన్ని ఇక అందరికీ ఇష్టమైన వరలక్ష్మీ వ్రతం, ప్రతి సంవత్సరం శ్రావణ మాసంలో పౌర్ణమి ముందు వచ్చే శుక్రవారంనాడు చేసుకుంటారు. కోరిన వరాలిచ్చే వరలక్ష్మి వ్రతాన్ని నిష్టగా చేసుకుంటారు స్త్రీలు.మరి అందరికీ బోలెడన్ని కోరికలుంటాయి కదా!