తెలుగు ప్రాచీనతా వెన్నెల వెలుగులు

తెనుగు ద్రావిడ భాషా కుటుంబానికి చెందిన ప్రాచీన భాష. సంస్కృత భారత రామాయణాలలో ఆంధ్ర ప్రసక్తిని బట్టి క్రీ.పూ.5.6 శతాబ్దాల నాటి ప్రాచీనత కలిగి వుంది. శాతవాహన రాజుల శాసన భాష ప్రాకృతం.

- - జయసూర్య

తెనుగు ద్రావిడ భాషా కుటుంబానికి చెందిన ప్రాచీన భాష. సంస్కృత భారత రామాయణాలలో ఆంధ్ర ప్రసక్తిని బట్టి క్రీ.పూ.5.6 శతాబ్దాల నాటి ప్రాచీనత కలిగి వుంది. శాతవాహన రాజుల శాసన భాష ప్రాకృతం.

ఇక్ష్వాకుల శాసనాలలో మొట్టమొదటగా తెలుగు మాటలు కనపడ్డాయి. తొలి తెలుగు పలుకులు, క్రీ.పూ.5వ శతాబ్దం నుంచి క్రీ.శ.1వ శతాబ్దం వరకు, క్రీ.శ.2వ శతాబ్దం నుంచి క్రీ.శ.5వ శతాబ్దం వరకు, క్రీ.శ.6వ శతాబ్దం నుంచి క్రీ.శ.10వ శతాబ్దం వరకు మూడు దశలలో కనిపిస్తాయి.

భాషలు, సైగలతో ముడిపడిన తెలుగు ప్రాచీన పదాలు, సంస్కృత ప్రాకృత పదాలతో కలగలిసిన రాతి(శిలా) శాసనాల పైన, రాగిరేకుల పైన కొన్ని బంధాలకు, రాచకాల నిబంధనలకు కట్టుబడినవి మూడో దశలో అచ్చంగా తెలుగు శాసనాలు ప్రాచీనతను ధృవీకరిస్తున్నాయి. అమరావతి స్థూపంపై 'నాగబు' అనే మాట క్రీ.పూ.200 నుండి క్రీ.శ. 200 మధ్య కాలం నాటిదిగా ప్రాకృత శాసనంలో కనిపిస్తుంది. గ్రాంథిక భాష సంస్కృతం, వ్యావహారిక భాష ప్రాకృతం రెండూ రాజ భాషలుగా తెలుగుమాటలు కలిగి వున్నాయి.