నాణ్యమైన కుండలు

ఈశ్వరయ్య, నాగేంద్రం ఇరుగుపొరుగు నివసించేవారు. ఇద్దరూ మట్టికుండలు, పాత్రలు తయారు చేసి అమ్మి జీవనం సాగించేవారు.

- - షేక్ అబ్దుల్ హకీం జాని

ఈశ్వరయ్య, నాగేంద్రం ఇరుగుపొరుగు నివసించేవారు. ఇద్దరూ మట్టికుండలు, పాత్రలు తయారు చేసి అమ్మి జీవనం సాగించేవారు. ఈశ్వరయ్య కుండలు చాలా మన్నికగా ఉండేవి. అందువల్ల జనం వాటిని ఎక్కువగా కొనేవారు."తనకంటే ఈశ్వరయ్యకు చాలా పేరు రావడం సహించలేని నాగేంద్రం రుసరుసలాడేవాడు. అయినదానికి కానిదానికి ఈశ్వరయ్యపై ఒంటికాలిపై వెళ్లి తగాదాపడేవాడు. ఒకరోజు ఒక బిచ్చగాడు ఈశ్వరయ్య వద్దకు వచ్చాడు. 'నువ్వు తయారు చేస్తున్న కుండలో నీళ్లు చాలా చల్లగా ఉంటాయట.జనమంతా అనుకుంటున్నారు. కొంచెం నీళ్లు ఇచ్చి నా దాహాన్ని తీరుస్తావా?' అన్నాడు బిచ్చగాడు. 'ఎంతమాట! తప్పకుండా మీ దాహాన్ని తీరుస్తాను. ఇంత ఈ మంచినీళ్లు తాగండి' అని అందించాడు ఈశ్వరయ్య.