నిజమైన భక్తులు

భారతదేశం ప్రాచీన కాలం నుండీ ఆధ్యాత్మిక తత్వం చేతనే ప్రసిద్ధి గాంచింది. అసలు భారతీయుడు అంటే ఎవరు? భా " అని ప్రశ్నించుకుంటే కేవలం భారతదేశంలో పుట్టినవాడా? కాదు కాదు.. సర్వ ధర్మాలను పాటించేవారే భారతీయులు.మన సంస్కృతి ఎంతో విలువైనది, గంభీరమైనది, మధురమైనది.ఇలాంటి గొప్ప సంస్కృతిని ఇప్పుడు కొందరు గాలికి వదిలిపెట్టారు.అందువల్లనే వారంతా సర్వ సంపదలూ, సౌఖ్యాలూ ఉన్నప్పటికీ శాంతిని పొందలేకున్నారు.

- పులివర్తి కృష్ణమూర్తి

కొందరు భగవంతుని ధన, కనక, వస్తు, వాహనాదులను కోరుకుంటారు.కానీ అంతకుమించి కావల్సిన శాంతిని కోరుకోరు. శాంతి లేనివానికి ఎన్ని వున్నా ఏమిటి ప్రయోజనం?

రావణునికిగానీ, హిరణ్యకశిపునికిగానీ, దుర్యోధనునికిగానీ సిరిసంపదలకు ఏమాత్రం లోటు లేదు. కానీ దుర్గుణాల చేత శాంతిని కోల్పోయారు. మనిషి తనలో వున్న శక్తులను తాను గుర్తుంచుకోవడంలేదు. మనం గాయత్రీ మంత్రాన్ని ఉచ్ఛరిస్తున్నాం.గాయంత్రీ మంత్రమునందు 'భూర్భవస్సువః' అని అంటాం.