ఆనందాన్నిచ్చేది?

చేతిలో చిల్లిగవ్వ లేని ఓ వంద రూపాయలు ఇస్తే అది అతనికి సంతోషాన్నిస్తుంది.

- యామిజాల జగదీశ్

ఈ ప్రపంచంలో అందరికీ సంతోషాన్నిచ్చే ఇది ముఖ్యమైన ప్రశ్నే. ఈ ప్రశ్నకు తగిన జవాబు మీరెవరైనా చెప్తారా? ఆలోచించండి. డబ్బు అని చెప్పుకోవచ్చంటారా? చేతిలో చిల్లిగవ్వ లేని ఓ వంద రూపాయలు ఇస్తే అది అతనికి సంతోషాన్నిస్తుంది. నిజమే.అయితే అప్పటికే ఆదాయపు పన్నుశాఖ హెచ్చరికలతో నలిగిపోతున్న వ్యక్తికి మరికాస్త డబ్బు ఇస్తే అది అతనికి మరింత తలనొప్పే అవుతుంది.

సరే, తీపి పదార్థమని చెప్పవచ్చునా! మధుమేహంతో బాధపడుతున్నవారికి చక్కెర ఏం సంతోషాన్నిస్తుంది.

అంటే.. అందరికీ ఎవరికీ తేడా లేకుండా సంతోషాన్నిచ్చేదొకటి ఉంది.

అది ఏమిటో చూద్దాం. అదే ఈసారి చెప్పబోతున్న విషయం.

అది తెలుసుకోవాలంటే ఈ కథలోకి వెళ్లాం.

అనగనగా ఒక ఊళ్లో ఓ రాజు ఉన్నాడు. అతనికీ ఓ మారు ఇలాంటి సందేహమే వచ్చింది.

అందరికీ ఆనందాన్నిచ్చేది ఏది? అన్నది రాజు ప్రశ్న. దీనికి జవాబు తెలుసుకోవాలనిపించింది. సరే, అందుకు ఏం చేయాలి? అని ఆలోచించాడు. అందరికీ సంతోషాన్నిచ్చేది ఏది? అని రాజ్యంలో దండోరా వేయించాడు.

"ప్రజలారా, మీకు ఆనందాన్నిచ్చే విషయమేదో తెలుసుకుని దాన్ని తీసుకువచ్చి కోటలో ఓ మూల ఉంచిన గదిలో పెట్టాలి.. అని ప్రకటించాడు.