ఆ నలుగురూ

దుష్టుడు ఏదైనా సమస్య తెచ్చి పెడతాడు. అందువల్ల అతనికి దూరంగా ఉండమని అంటారు.

- యామిజాల జగదీశ్

"దుష్టుడికి దూరంగా ఉండు" అని అంటుంటారు. ఎందుకలా చెప్తుంటారు? దుష్టుడు ఏదైనా సమస్య తెచ్చి పెడతాడు. అందువల్ల అతనికి దూరంగా ఉండమని అంటారు. అంతేతప్ప అతనిని చూడటంతోనే పారిపోయి దాక్కోమని అర్థం కాదు.

ఓ దుష్టుడికి దగ్గరగా వెళ్తున్నామనుకోండి... అతను మనకు చెడు ఆలోచనలు చెప్పవచ్చు. లేదా అతను దుష్ట గుణాలు కలిగి వుండవచ్చు. అవి మనల్ని ప్రభావితం చేయవచ్చు. అతను చెడ్డ పనులు చేసేవాడుగా ఉండొచ్చు. లేదా చెడు మిత్రుల సహవాసంతో అతను అప్పటికే చెడ్డవాడై ఉండొచ్చు.

అటువంటి వారికి దగ్గరవడం అంత మంచిది కాదు. కాదూ కూడదని దగ్గరయ్యామంటే మనకు అడుగడుగుకూ తలనొప్పులు తప్పవు అనే దృష్టితో పెద్దలు చెప్పే మాటేమిటంటే ‘దుష్టులకు దూరంగా ఉండమని.

దీనినే కాస్తంత వివరంగా చూద్దాం:

దుష్టులను నాలుగు రకాలుగా విభజించవచ్చు. ఈ నాలుగు రకాల మనుషులకు ఎక్కడికో వెళ్లక్కర్లేదు. మహాభారతాన్ని చదివితే తెలిసొస్తుంది. అందులో ఈ నాలుగు రకాల దుష్టులు కనిపిస్తారు.

దుష్టులలో మొదటి రకానికి చెందినవాడు శకుని. ఇతను మనసులో ఎప్పుడూ ఏదో ఒక దుష్ట ఆలోచన చేస్తూ ఉంటాడు. అతేకాదు, కలలో కూడా దుష్ట ఆలోచనలే.