ఎక్కడికెళ్లాలి?

ఎప్పుడు చూసినా "ఆ దేశంలో ఇలా ఉంది. ఈ దేశంలో అలా ఉంది అని చెప్తుంటాం

- యామిజాల జగదీశ్

ఎప్పుడు చూసినా "ఆ దేశంలో ఇలా ఉంది. ఈ దేశంలో అలా ఉంది అని చెప్తుంటాం తప్ప మన దేశంలో ఎలా ఉండేది..."ఇప్పుడెలా ఉంది" అని చెప్పరు సార్!" అన్నాడొకడు.ఆయన అలా చెప్పడమూ సబబే. కాదనలేం. ఎప్పుడూ కాకపోయినా అప్పుడప్పుడైనా మన దేశం గొప్పల గురించి మాట్లాడుతుండాలి సార్!” అని ఆయన అభిప్రాయం.

మన గత కాలపు గొప్పలు మనకు బాగానే తెలుసు. తెలియక కాదు. అయినప్పటికీ అప్పటి గొప్పల గురించి తరచి చూసుకోవసిన అవసరం ఉంది.

మను నీతి ఎక్క చోళుడి కథ పలువురికి తెలిసిందే కావచ్చు. అలాగే మధ్యప్రదేశంలోనూ ఒక మనునీతి చోళుడు ఉండేవాడు.ఆయన ఓ మహారాజు పేరు వీరసింగ్ దేవ్. ఒడిశా రాజు. ఆయన కుమారుడు ప్రవీరాయ్... యువరాజు.

తండ్రికి తగ్గ తనయుడు అని చెప్తూ ఉంటాం కదా.

కానీ ఈ కొడుకు అదేనండీ... యువరాజు ఒకింత భిన్నమైనవాడు.

ఆ యువరాజు ఏం చేసాడంటే ఒకరోజు అడవికి వెళ్లాడు.వేటాడటానికి. అలా వెళ్లిన చోట ఓ సాధువుని చంపేశాడు.ఇది తెలియడంతోనే అతనిని బంధించమని రాజు ఉత్తర్వులు జారీ చేశాడు.