తెలుగు అక్షరం ఎటు పోతోంది?

తెలుగుభాష వర్ణమాలలో 36 అక్షరాలున్నాయి. సంస్కృతంలోంచి కొన్ని అక్షరాలకు తెలుగులిపి తయారు చేసుకొని 56 అక్షరాలుగా ఆంధ్రభాష రూపొందింపచేసుకొన్నాం.

తెలుగుభాష వర్ణమాలలో 36 అక్షరాలున్నాయి. సంస్కృతంలోంచి కొన్ని అక్షరాలకు తెలుగులిపి తయారు చేసుకొని 56 అక్షరాలుగా ఆంధ్రభాష రూపొందింపచేసుకొన్నాం.

సంస్కృతం+తెలుగు= ఆంధ్రబాష అని అర్థం. ఆంధ్రభాష అంటే కేవలం ఆంధ్రాలో ఉండే భాష అనుకోవద్దు.తెలుగు మాట్లాడే, తెలుగువాళ్లుండే ఏ రాష్ట్రమైనా, ఏ దేశమైనా ఆంధ్ర అనే మాట భాషా పరంగా వర్తిస్తుంది. సంస్కృతంలో ఉండే అక్షరాలన్నీ తెలుగులో ఉంటాయి. సంస్కృతంలో మాత్రం ఉండి తత్సమాల వల్ల తెలుగులో చేరే అక్షరాలు పందొమ్మిది ఉన్నాయి. తెలుగులో మాత్రం ఉన్న అక్షరాలు అంటే సంస్కృతంలో లేనివి ఆరు ఉన్నాయి. ఈ ఆరు అక్షరాలలో ఏదీ సంస్కృతంలో లేకపోవడం తెలుగుభాష విశిష్టత. తెలుగు పండితులు సంస్కృతం స్వీకరించారు.వ్యాకరణంలో అనుశాసనం కల్పించారు. బాల వ్యాకరణం, సంజ్ఞా పరిచ్ఛేదము -4 ప్రకారం "ఋ, ౠ, విసర్గ ఖ, ఛ, ఠ, ధ, ఫ, ఘ, ఝ, ఢ, థ, భ, ఇ, శ, ష లు సంస్కృత సమంబులగూడి తెలుగున వ్యవహరింపబడు". ధ్వనులు ఎక్కడ బడితే అక్కడ ఉండరాదు. సంస్కృత సమములలో మాత్రమే ఉంటాయి. తెలుగుకు లక్షణాన్ని చేసి రూపురేఖలు దిద్దిన పండితులు అందరూ సంస్కృతానికి ఆంధ్రానికి అంతరాన్ని నిలపాలని తలంచారు.