అత్యాశ

అదృష్టాన్ని నమ్మేవారికి అత్యాశ అ రాసుకున్నది.. ఆశను త్యజించమన్నాడు బుద్ధుడు.

- యామిజాల జగదీశ్

అదృష్టాన్ని నమ్మేవారికి అత్యాశ అ రాసుకున్నది.. ఆశను త్యజించమన్నాడు బుద్ధుడు.అన్నింటికీ ఆశపడు అంటారు మరొక ఆధ్యాత్మికవేత్త. ఆశను త్యజించడమంటే జీవించడం మొదలుకుని మౌలికమైన జీవితానికి అవసరమైన ఆశలను వదులుకోమని బుద్ధుడు చెప్పలేదు.ఆయన చెప్పదలచుకున్నది అత్యాశ గురించి.

సద్గురు జగ్గీ వాసుదేవ్ మాటల ద్వారా బుద్ధుడి అభిప్రాయానికి భిన్నంగా అత్యాశను ఆయన సమర్థించినట్టు అర్థం చేసుకోవడమూ పొరపాటే అవుతుంది. ఈ ప్రపంచంలోని అన్ని జీవరాశులపైనా ప్రేమను, పాశాన్ని ఉంచమనే ఆ వివరణ.

ఇప్పటి జీవిత విధానంలో శ్రమను మాత్రమే నమ్ముకున్నవారి సంఖ్య తగ్గుతూ వస్తోంది. శ్రమించకుండా లభించే సంపాదనను రుచి చూసాక దానినే జీవిత తత్త్వంగా భావించేవారు ఎక్కువ మందే ఉన్నారు.

లంచం అనే ఓ భయంకరమైన జబ్బు ఈ సమాజంలో ఎన్నో సంవత్స రాల క్రితమే వేళ్లూనుకుంది. ఇప్పుడు ఓ అధికారి తన బాధ్యతలను నిర్వర్తించడానికి లంచాన్ని ఆశిస్తే అది అనైతికమనో, ఆశ్చర్యకరమనో ఎవరికీ అనిపించడం లేదు. పరిమితికి మించి ఆ అధికారి డబ్బులు అడిగితే అప్పుడు కోపం వస్తోంది తప్ప ఓ న్యాయమైన రీతిలో డబ్బులు ఇచ్చి పనులు చేయించుకుంటున్నవారి సంఖ్య ఎక్కువవుతూనే ఉంది. ఇందుకు మనిషి ఏమాత్రం ఆలోచించడం లేదు.