హ్యాపీ క్రిస్మస్

ఆయన జీవించిన విధానం పరిశుద్ధమైనది. చివరికి ఆయన ఏ పాపం చేయకపోయినా, మనందరి దోషాలను తనపై వేసుకుని, పాపిగా మార్చబడి, మనకు బదులుగా సిలువలో ఆయన మరణించాడు. ఈ సత్యాన్ని తెలుసుకుని, ఆయనను తమ సొంతరక్షకుడిగా అంగీకరించిన వారికి ప్రతిరోజు, ప్రతిక్షణం రక్షణ పర్వదినమే.

- - వాణిపుష్ప

'యూదుల రాజుగా పుట్టినవాడెక్కడ నున్నాడు? తూరుదిక్కున మేము ఆయన నక్షత్రముచూచి, ఆయనను పూజింప వచ్చితిమని చెప్పిరి' (మత్తయి 2:2), 'వారు ఆ నక్షత్రమును చూచి, అత్యానందభరితులై యింటిలోనికి వచ్చి, తల్లియైన మరియను ఆ శిశువును చూచి, సాగినలపడి, ఆయనను పూజించి... కానుకలుగా ఆయనకు సమర్పించిరి' (మత్తయి 2:10,12).

ఇది డిసెంబరు మాసం.

ప్రపంచవ్యాప్తంగా క్రిస్మస్ సంబరాలు జరుగుతున్నాయి. 'క్రిస్మస్' అంటే ఆర్భాటంగా పండుగ చేసుకోవడం కాదు కాని, ఆయనను పూజించడమే అసలైన క్రిస్మస్. సర్వమానవాళి పాపంలో, అంధకారంలో జీవిస్తున్నవారిని వెలుగులోని నడిపించి, పాపపు బంధకాలను విడిపించేందుకు యేసుక్రీస్తు ఈ లోకానికి వచ్చాడు. తల్లి అయిన మరియ పరిశుద్ధాత్మ ద్వారా యేసుక్రీస్తుకు జన్మనిచ్చింది. ఆయన పుట్టుక పరిశుద్ధమైనది. ఆయన జీవించిన విధానం పరిశుద్ధమైనది. చివరికి ఆయన ఏ పాపం చేయకపోయినా, మనందరి దోషాలను తనపై వేసుకుని, పాపిగా మార్చబడి, మనకు బదులుగా సిలువలో ఆయన మరణించాడు. ఈ సత్యాన్ని తెలుసుకుని, ఆయనను తమ సొంతరక్షకుడిగా అంగీకరించిన వారికి ప్రతిరోజు, ప్రతిక్షణం రక్షణ పర్వదినమే.

కానుకలతో దేవుడిని ఆరాధించారు