വിനകളൊഴിക്കും വിഘ്നശ്വരൻ

ഗജാനനം ഭൂതഗണാദി സേവിതം കപിത്ഥ ജമ്പു ഫലസാര ഭക്ഷിതം ഉമാസുതം ശോകവിനാശ കാരണം നമാമി വിഘ്നശ്വര പാദപങ്കജം

- അനീഷ് മോഹനചന്ദ്രൻ

ഇത്രയും ചൊല്ലിയാൽ മതി വിഘ്നശ്വരൻ പ്രസാദിക്കും. സർവ്വവിഘ്നങ്ങളും അവൻ ഒഴിക്കും. സർവ്വകാല ദുരിതങ്ങൾക്കും ആശ്വാസമേകും. ഗണപതി ഭഗവാനെ ആരാധിക്കുന്ന ഓരോ ഭക്തനും ഇതൊക്കെ കാണാപ്പാഠമാണ്. അതുകൊണ്ടുതന്നെ അവൻ വിഘ്നശ്വരന്റെ സന്നിധി എവിടെയുണ്ടോ അവിടെല്ലാം ചെന്ന് കുമ്പിട്ട് തൊഴും. തലസ്ഥാനനഗരിയിലേക്ക് വന്നാൽ ഏറെ കീർത്തികേട്ട വിഘ്നശ്വര ക്ഷേത്രം സ്ഥിതി ചെയ്യുന്നത് കിഴക്കേ ക്കോട്ട പഴവങ്ങാടിയിലാണ്. പ്രതിദിനം അവിടെ ആയിരങ്ങളാണ് വിഘ്നശ്വരനെ കണ്ട് ദർശന സായൂജ്യമടയാൻ എത്തുന്നത്. എന്നാൽ നഗരത്തിരക്കിനിടയിലൂടെ അവിടെത്താൻ സാധിക്കാനാകാത്ത പലരും ആശ്രയിക്കുന്ന മറ്റൊരു ക്ഷേത്രമുണ്ട്. അത് പാളയം വിനായകക്ഷേത്രമാണ്.