ശ്രീപത്മനാഭന്റെ മണ്ണിലെ ബൊമ്മക്കൊലുക്കൾ...

നവരാത്രി ആഘോഷങ്ങളുടെ പരിസമാപ്തി വേളയിൽ സംജാതമാകുന്ന വിജയദശമിനാളിലാണ് വിദ്യാരംഭം കുറിക്കുന്നത്

- അനീഷ് മോഹനചന്ദ്രൻ

നവരാത്രിയെന്നാൽ ബൊമ്മക്കൊലുവിന്റെ നാളുകളാണ് തിരുവനന്തപുരത്തെ അഗ്രഹാരത്തെരുവു കൾക്ക്. ശ്രീപത്മനാഭന്റെ മണ്ണിൽ കുടികൊള്ളുന്ന സകലമാന ഐശ്വര്യങ്ങൾക്കും നിദാനം ദേവീകടാക്ഷമാണെന്ന് ഇവിടത്തുകാർ വിശ്വസിക്കുന്നു. അതു കൊണ്ടുതന്നെ ദേവിപ്രീതിക്കായി അവർ നവരാത്രി വ്രതമെടുക്കുന്നതും പതിവാണ്. വാസ്തവത്തിൽ കേരളത്തിന് പുറത്തുള്ള തെക്കൻ സംസ്ഥാനങ്ങളിൽ നിന്നും കുടിയേറിപ്പാർത്തവരോ അല്ലെങ്കിൽ ഇപ്പോഴും അവിടെ വേരുകൾ ഉള്ളവരോ ആയ ബ്രാഹ്മണരാണ് ബൊമ്മക്കൊലു വിന്റെ തലസ്ഥാനത്തെ വക്താക്കൾ എന്നുപറഞ്ഞാലും തെറ്റുണ്ടാകി ല്ല. തുളുബ്രാഹ്മണന്മാരും അക്കൂട്ടത്തിലു ണ്ട്. മഹാനവമി, വിജയദശമി നാളു കൾക്ക്(പൂജവയ്പ്പ്) മുന്നോടിയായി നടക്കുന്ന നവരാത്രി മഹോത്സവത്തിന് അനുബന്ധമായാണ് ബൊമ്മ ക്കൊലു ഒരുക്കുന്നത്.