കാക്കകൾ നമ്മുടെ പിതൃക്കളാണോ?

മറ്റൊരു ജീവിയേയും അതിന്റെ ശബ്ദത്തിലൂടെ നമ്മൾ അഭിസംബോധനചെയ്യുമോ?

- ബാബുരാജ് പൊറത്തിശ്ശേരി 9846025010

ഒരിക്കൽ ഭക്തനായ ഒരു ശിഷ്യൻ മഹാഗുരുവിനോട് ചോദിച്ചു. ശ്രാദ്ധസമയത്ത് കാക്കൾക്കായി ബലിച്ചോറ് കൊടുക്കുന്നത് എന്തുകൊണ്ടാണ്? നമ്മുടെ പൂർവ്വികർ കാക്കകളുടെ രൂപത്തിൽ ആണോ? ഈ തരംതാഴ്ന്ന പക്ഷിയെപ്പോലെ അവർ എന്തിനാണ് വരുന്നത്? എന്തുകൊണ്ട് ഉയർന്ന നിലവാരമുള്ള പക്ഷിയുടെ രൂപത്തിൽ ആയിക്കൂടാ?

ഒരു പുഞ്ചിരിയോടെ സ്വാമികൾ മറുപടി പറഞ്ഞു. തമിഴിൽ കാക്കയെ കാകാ എന്നുപറയും. കാ എന്നുപറഞ്ഞാൽ കാപാത്തു(രക്ഷിക്കൂ) എന്നാണ്.

മറ്റൊരു ജീവിയേയും അതിന്റെ ശബ്ദത്തിലൂടെ നമ്മൾ അഭിസംബോധനചെയ്യുമോ? പൂച്ചകളെ നമുക്ക് മ്യാവൂ എന്ന് വിളിക്കാമോ? അതുപോലെ പട്ടികളെ ബൗബൗ എന്ന് വിളിക്കാമോ? മറ്റേതെങ്കിലും ജീവിയെ അത് കരയുന്ന ശബ്ദത്തിൽ, നമ്മൾ അതിനെ വിളി ക്കുന്നുണ്ടോ? കാക്കയുടെ ശബ്ദം അതിന്റെ പ്രത്യേകതയാക്കി മാറ്റുന്നു.

പക്ഷികളിൽ ഏറ്റവും ബുദ്ധി ശക്തിയുള്ള വർഗ്ഗമാണ് കാക്ക കൾ. മനുഷ്യനെ ആശ്രയിച്ച് ജീവിക്കാൻ താൽപ്പര്യമുള്ള ഒരു പക്ഷിയാണ് കാക്ക. ലോകത്ത് മിക്ക രാജ്യങ്ങളിലും കാക്കകളു ണ്ട്. ഗ്രാമങ്ങളിലും ചെറുപട്ടണങ്ങളിലുമാണ് ഇവയെ കൂടുത ലായി കാണുന്നത്. മനുഷ്യവാസമില്ലാത്ത സ്ഥലങ്ങളിൽ കാക്ക യുടെ സാന്നിദ്ധ്യം അപൂർവ്വമാണ്. അറിഞ്ഞും അറിയാതെയും മനുഷ്യൻ ഉപേക്ഷിക്കുന്ന മാലിന്യങ്ങളെ കാക്കകൾ ഭക്ഷണമാക്കുന്നു. ആഹാരം തേടുന്നതും രാത്രി ചേക്കേറുന്നതും കൂട്ടമായാണ്.