ജ്യോതിഷവും ജ്യോത്സനും

ജ്യോതിഷവും ജ്യോത്സ്യവും ദോഷപരിഹാരപൂജകളാണെന്നാണ് പൊതുവേയുള്ള തോന്നൽ. ദോഷപരിഹാരങ്ങൾ പരിഹാരപൂജകളിലൂടെ മാത്രം പരിഹരിക്കപ്പെടുന്നതാണെന്ന് വിശ്വസിക്കുന്ന വ്യക്തിയല്ല രാജേഷ് ജ്യോത്സ്യൻ. ഒരു പരമ്പരയുടെ ജ്യോതിഷപാരമ്പര്യത്തിലൂടെ ചില തിരിച്ചറിവുകളാണ് അദ്ദേഹം വായനക്കാർക്ക് പകർന്നുനൽകുന്നത്.

- ജ്യോത്സ്യൻ രാജേഷ് (9895739693)

വിശ്വകർമ്മവിഭാഗത്തിലെ വൈദികകർമ്മങ്ങൾ ചെയ്യുന്ന പരപരയാണ് ഞങ്ങളുടേത്. അന്ന പ്രാശം, ഉപനയനം, മരണാനന്തര ചടങ്ങ്, ബലികർമ്മങ്ങൾ എന്നിവ ചെയ്യാൻ പരമ്പരയാൽ അധികാരപ്പെട്ടവരാണ് എന്റെ കുടുംബം. ക്ഷേത്രപൂജയും, പത്മമിട്ട് പൂജകളും ചെയ്യാൻ അധികാരം ലഭിച്ച പരമ്പരയാണ്. തിരുവനന്തപുരം, വെങ്ങാന്നൂരാണ് രാജേഷ് ജ്യോതിഷന്റെ ഭവനവും ജ്യോതിഷപുരയും സ്ഥിതിചെയ്യുന്നത്.

ആയിരത്തിൽപ്പരം വിവാഹങ്ങൾക്ക് മുഖ്യകാർമ്മികത്വം വഹിച്ച വ്യക്തിയാണ് എന്റെ അച്ഛൻ. ശരിയായ ജാതകചിന്തയിലൂടെ തന്നെയാണ് ഈ വിവാഹങ്ങളെല്ലാം നടത്തിക്കൊടുത്തത്. വൈദിക ആചാരപ്രകാരം ഞങ്ങളുടെ വിവാഹ മുഹൂർത്തം എന്നത് നാൽപ്പത്തിരണ്ട് മിനിട്ടാണ്. വൈദിക വൃത്തികൾ ചെയ്തുപോന്നതിനാലാണ് ജ്യോതിഷവൃത്തിയും ഞങ്ങളുടെ പരമ്പര തുടർന്നുപ്പോന്നത്. പാരമ്പര്യമായി കിട്ടിയ ജ്യോതിഷജ്ഞാനവും, പരിഹാരജ്ഞാനവുമാണ് ഞാൻ പിന്തുടരുന്നത്.