Indian സ്പിൻ മാന്ത്രികത

ഇന്ത്യ - ഓസ്ട്രേലിയ ടെസ്റ്റ് പരമ്പരയിലെ ആദ്യ രണ്ട് മത്സരങ്ങൾ വിജയിച്ച് ഇന്ത്യൻ ടീം ബോർഡർ- ഗാവ്സ്കർ പരമ്പര നിലനിർത്തി. ഇതോടെ ടെസ്റ്റ് ചാമ്പ്യൻഷിപ്പ് ഫൈനലിലേക്കുള്ള ഇന്ത്യയുടെ സാധ്യതകളും സജീവമായിരിക്കുന്നു

- ഹരിഹരനന്ദനൻ

ലോക ടെസ്റ്റ് ചാമ്പ്യൻ ലോഷിപ്പിന്റെ പശ്ചാത്തലം മാറ്റി നിർത്തിയാൽ ഈ ഇന്ത്യ ഓസ്ട്രേലിയ ക്രിക്കറ്റ് പരമ്പരക്ക് അടിച്ചുവാരലും തൂത്തുവാരലും' എന്ന ശീർഷകം അനുയോജ്യമാണെന്ന് തോന്നുന്നു. അടിച്ചുവാരൽ (സ്വീപ്) ഡൽഹിയിലെ രണ്ടാം ടെസ്റ്റിൽ കങ്കാരുക്കളുടെ പതനത്തിനു പിന്നിൽ മുഴച്ചു നിന്ന കാരണമായപ്പോൾ, തൂത്തുവാരൽ (ക്ലീൻ സ്വീപ്) അവരുടെ നാല് ടെസ്റ്റ് പരമ്പരയുടെ വിധിയെഴുത്തിനു മുന്നോടിയായി അവരെ നോക്കി ചിരിക്കുന്ന ഒരു നോക്കുകുത്തിയായി നിൽക്കുകയും ചെയ്യുന്നു. 

‘സ്വീപ്പി'ൽ വീണ ഓസീസ്

ഡൽഹി ടെസ്റ്റിന്റെ മൂന്നാം ദിവസം രാവിലെ ഓസ്ട്രേലിയ അല്പം മുൻതൂക്കം നേടിത്തുടങ്ങിയപ്പോൾ അവരുടെ ബാറ്റർമാർ കാണിച്ച സ്വീപ്' എന്ന അതിസാഹസം വളരെ പെട്ടെന്ന് അവരുടെ തകർച്ചക്ക് കാരണമായി. രവീന്ദ്ര ജഡേജയുടെ ഓവറുകളിൽ ആറ് വിക്കറ്റുകൾ തുടരേത്തുടരേ നഷ്ടപ്പെട്ടതോടെ ഉച്ചഭക്ഷണത്തിനു മുമ്പേ ഓസ്ട്രേലിയ അടിയറവ് പറഞ്ഞ് കീഴടങ്ങി. പണ്ട് ലോകകപ്പ് മത്സരത്തിൽ ഇന്ത്യക്കെതിരായി മുംബൈയിൽ ഗ്രേയം ഗൂച്ച് എന്ന ഇംഗ്ലീഷുകാരൻ രവി ശാസ്ത്രിയെയും കൂട്ടരെയും അടിച്ചുവാരി സെഞ്ചുറി നേടിയതോടെ ഈ ഷോട്ട് നമ്മുടെ സ്പിന്നർമാരെ നേരിടാൻ ഇവിടെ വരുന്ന ടീമുകളുടെ ഒരു പ്രധാന തന്ത്രമായി മാറുകയും ചെയ്തിരുന്നു. എന്നാൽ ഡൽഹിയിൽ മൂന്നാം ദിവസം രാവിലെ സ്റ്റീവ് സ്മിത്തും കൂട്ടരും അത്തരമൊരു കടന്നാക്രമണത്തിന് മുതിർന്നത് വിനയായി.

ഇനി തൂത്തുവാരൽ, പത്തു വർഷം മുൻപ് ഇന്ത്യയിൽ പര്യടനം നടത്തിയ ഓസ്‌ട്രേലിയൻ ടീം നാല് ടെസ്റ്റുകളിലും ടോസ് നേടിയിട്ടും നാലും തോറ്റ് പരമ്പര അടിയറ വച്ചിരുന്നു. രണ്ടു മത്സരങ്ങളിലും ടോസ് നേടി രണ്ടും തോറ്റ് പാറ്റ് കമ്മിൻസിന്റെ ടീമും അങ്ങനെയൊരു തൂത്തുവാരലിന്റെ നിഴലിൽ നിൽക്കുന്നു.

ഫൈനലിലേക്ക് ആര് ?