പറക്കാം ശലഭച്ചിറകിൽ

Between The Lines 

- പ്രീജ ശ്രീധരൻ

പുതുവർഷത്തിന്റെ ആഹ്ലാദാരവങ്ങളിലാണ് ലോകം. ജീവിതത്തെ നവീകരിക്കാൻ പുതു തീരുമാനങ്ങൾ എടുത്തിട്ടുണ്ടാകും പലരും. ആ നവീകരിക്കപ്പെടലിൽ മനുഷ്യത്വത്തിനും സന്തോഷത്തിനും പ്രാധാന്യം നൽകേണ്ടതുണ്ട്. സ്വയം പുതുക്കുക എന്നതിന് മറ്റുള്ളവരുടെ സന്തോഷത്തിൽ സ്വാർഥതയില്ലാതെ പങ്കുചേരുക എന്ന അർഥവും ഉണ്ട്. അനുഭവങ്ങളുടെ കല്ലേറേറ്റ് മനസ്സിൽ പതിഞ്ഞ മുറിവുകളെ ആറ്റിയുണക്കുകയും വേണം. കലർപ്പില്ലാത്ത സ്നേഹത്താൽ ശമിപ്പിക്കാവുന്നതേയുള്ളു ഏത് മുറിവിന്റേയും വേദനകൾ... സ്നേഹത്താൽ മായ്ച്ചുകളയാനാവാത്ത മുറിപ്പാടുകളുമില്ല.