10 બેબી સ્કિન કેર ટિપ્સ

જાણો વિંટરમાં બેબીની સ્કિનનું ધ્યાન રાખવા જરૂરી સ્કિન કેર ટિપ્સ..

તે દિવસે માયા ખૂબ પરેશાન હતી. તે પતિ અને ૪ મહિનાની બેબી સાથે કારમાં પિયર જઈ રહી હતી. લાંબી સફર હતી. દિલ્લીથી પિયર એટલે કે અલ્હાબાદ પહોંચવામાં ૭-૮ કલાક થઈ ગયા હતા. તેની પર વરસાદની મોસમ હતી. બેબીને ઠંડી ન લાગે તે માટે ૨-૩ એક્સ્ટ્રા કપડાં પહેરાવી દીધા હતા. બેબી અડધા રસ્તે તો ઊંઘી હતી, પછી પરેશાન કરવા લાગી. ઘરે પહોંચીને માયાએ જોયું કે તેની સ્કિન પર લાલ ચકામા અને દાણા થઈ ગયા છે.

જ્યારે માયાની મમ્મીએ બેબીને ખોળામાં લીધી તો કહેવા લાગી કે લાગે છે તેને અળાઈ જેવું થયું છે. ટાઈટ કપડાં અથવા ભેજયુક્ત મોસમમાં લાંબી સફરથી નાના બાળકોમાં પરસેવાના લીધે આ સમસ્યા થાય છે. તેમણે તરત જ બેબીના ટાઈટ કપડાં ઉતારીને ઢીલા અને આરામદાયક કપડાં પહેરાવ્યા અને થોડો બેબી પાઉડર લગાવ્યો. પછી દૂધ પિવડાવીને તેને ઊંઘાડી દીધી. સવારે જ્યારે ઊઠી તો તેને નોર્મલ જોઈને માયાને શાંતી થઈ.

હકીકતમાં, બાળકની સ્કિન વયસ્કની સરખામણીમાં ૩ ગણી વધારે સેન્સિટિવ અને સોફ્ટ હોય છે. તેથી તેમની સ્કિન પર લાલ ચકામા, દાણા અને ડ્રાયનેસની સમસ્યા થાય છે.

માના ગર્ભની બહાર આવ્યા પછી બાળકની સ્કિન નવા વાતાવરણમાં સ્વયંને એડજસ્ટ કરવાની કોશિશ કરી રહી હોય છે. તેથી શિશુની સ્કિનને વધારે કાળજી અને સુરક્ષાની જરૂર હોય છે.

આ સંજોગોમાં બેબીની સ્કિન કેર કરવામાં અનેક વાતનું ખાસ ધ્યાન રાખવું પડે છે જેમ કે :

સૂર્યપ્રકાશ

જન્મના શરૂઆતના દિવસોમાં બેબીને ડાયરેક્ટ સનલાઈટમાં લઈને ન જાઓ. તેનાથી બેબીને સનબર્ન થઈ શકે છે. જો તમે ક્યાંક બહાર જાઓ છો અને બેબી લાંબા સમય સુધી તડકામાં રહેશે તો તેને પૂરી બાંયના કપડાં, ફુલ પેન્ટ પહેરાવો અને કેપ લગાવો. અન્ય ખુલ્લા ભાગમાં બેબી સેફ સનસ્ક્રીન લગાવવું સારું રહેશે.

જ્યારે બેબી મોટું થઈ જાય ત્યારે તેને થોડા સમય માટે તડકામાં લઈ જાઓ. તેનાથી વિટામિન ડી મળે છે.

કોટનના કપડાં પહેરાવો