નડલ્સ નહીં ભૂલો તેનો સ્વાદ

ખૂબ જ આનંદ સાથે ખવાતા નૂડલ્સ વિશે કેટલીક રસપ્રદ વાત જરૂર જાણો...

- ચેતના વર્ધન

“ટુ મિનિટ નૂડલ્સ.’’ એટલે કે મેગીને તો બધા જાણો છો, પરંતુ શું તમને ખબર છે કે દુનિયાભરમાં કેટલા પ્રકારના નૂડલ્સ ખવાય છે? હા, અનેક પ્રકારના.

કોઈ સ્વચ્છ સફેદ, તો કોઈ પાતળી સૂતળી જેવા અથવા કોઈ પહોળી રિબન જેવા બનેલા હોય છે. કેટલાક લોટમાંથી બનેલા હોય છે તો કેટલાક ચોખા, મેંદા, બટાકા, ઈંડા, શક્કરિયા અથવા કોળામાંથી બનેલા. તે સિવાય બીજા પણ જાતજાતના નૂડલ્સ માર્કેટમાં ઉપલબ્ધ હોય છે. આકાર અને રંગમાં અલગ આ નૂડલ્સ ઘણી બધી રીતે બનાવાય છે. તેના નામ પણ અલગઅલગ.

બાળકો તેને ખુશીથી ખાય છે અને મોટા પણ તેને ખૂબ પસંદ કરે છે. નૂડલ્સ બનાવવામાં સરળ, સ્વાદિષ્ટ હોય છે તેમજ તેમાં મનગમતા શાકભાજી મિક્સ કરીને તેને પૌષ્ટિક પણ બનાવી શકાય છે.

આજે આવા જ કેટલાક પૌષ્ટિક નુડલ્સ વિશે જાણીએ, જે ચીનની સરહદને ઓળંગીને બીજા ઘણા દેશમાં પણ લોકપ્રિય બની ગયા છે.

યૂનાન રાઈસ નૂડલ્સ

આમ તો ચોખાના નૂડલ્સ અનેક આકારના મળે છે, પરંતુ ગોળ અને સામાન્ય સ્પેગેટી ટાઈપના નૂડલ્સ સૌથી વધારે લોકપ્રિય છે, જેને યુનાન ડેલ્સ અથવા શ્રી જિન પણ કહે છે. દક્ષિણ પશ્ચિમી ચીનના યૂનાન પ્રોવિન્સથી લોકપ્રિય થયેલા આ નૂડલ્સ મોટાભાગે ગ્લુટેન ફ્રી ચોખા અને પાણીના મિશ્રણથી બનાવવામાં આવે છે. નુડલ્સમાંથી ઘણા બધા પ્રકારની ડિશિસ બનાવવામાં આવે છે જેમાં સૌથી વધારે લોકપ્રિય ‘ક્રોસિંગ ધ બ્રિજ રાઈસ નૂડલ્સ' છે. ચિકન, પોર્ક અને મસાલા ખાસ કરીને સ્ટાર એનીજ અને આદું સાથે બનાવવામાં આવેલા સૂપ સાથે તૈયાર નૂડલ્સ પીરસવામાં આવે છે.

મી ફૈન અથવા રાઈસ સેવઈયા