રિંકલ્સ હટાવો ફેસ્ટિવ ગ્લો મેળવો

રિંકલ્સ હટાવવા માટે આ મેડિકલ ટ્રીટમેન્ટ અપનાવશો તો તહેવારની રોનક તમારા ફેસ પર ચમકશે...

- પ્રિયંકા યાદવ

૩૯ વર્ષની ઈરાની શાહ અરીસા સામે બેસીને સ્વયંને નિહાળી રહી હતી. તેણે જોયું કે તેના ફેસ પર પડેલા રિંકલ્સ ડાર્ક થઈ ગયા છે. તેને જોઈને ચિંતા કરવા લાગી.

એટલામાં ઈરાનીનો હસબન્ડ વિરાટ રૂમમાં આવ્યો. તેણે ઈરાનીને અરીસા સામે બેસેલી જોઈને કહ્યું, “તું અહીં બેસીને શું જોઈ રહી છે? ખૂબ સુંદર છે ને જે સ્વયંને આ રીતે નિહાળી રહી છે. તારો ફેસ તો જો જરા. કેવો મૂરઝાઈ ગયો છે.’

વિરાટની વાત સાંભળીને ઈરાની ઉદાસ થઈ ગઈ અને ત્યાંથી ઊઠીને જવા લાગી.

રૂમની બહાર જતી ઈરાનીને વિરાટે ટોકતા કહ્યું, “હવે તારી ઉંમર થઈ ગઈ છે. તારા પૂરા ફેસ પર રિંકલ્સ છે અને ધીરેધીરે વધે છે. ૨માને જો ૪૨ ની ઉંમરમાં પણ ૩૨ ની લાગે છે અને એક તું છે ૩૩ ની ઉંમરમાં પણ ૪૭ ની લાગે છે. આપણું હજી એક પણ બેબી નથી અને તેં તારી હાલત એવી બનાવી દીધી છે કે જાણે ૨-૪ બાળક હોય. તારી જાત પર થોડું તો ધ્યાન આપ.'

“હવે તો મારા મિત્રો પણ મને ચીડવે છે. વાતવાતમાં કહી દે છે કે તારી પત્ની તારી મા લાગે છે. તું તારી વાઈફ તરફ કેવી રીતે અટ્રેક્ટ થાય છે? સાચું કહું તો હું હવે તારાથી અટ્રેક્ટ નથી થતો. મને તો તારી સાથે ચાલવામાં પણ શરમ આવે છે.”

સ્વયંને નજરઅંદાજ ન કરો