થોડી મીઠાશ બનાવે દિવાળી ખાસ...

ગુલકંદના ઝીણા ટુકડા કરી લો અને વેનિલા આઈસક્રીમમાં મિક્સ કરો.

ખજૂર પોટલી

સામગ્રી

• ૧ કપ મેંદો ૧/૪ કપ સોજી ૧/૪ કપ ઘી • ૧ કપ દૂધ • ૫૦ ગ્રામ માવો • ૨ મોટી ચમચી બૂરું ખાંડ • ૧/૪ કપ ખજૂર ૧/૨ નાની ચમચી એલચી પાઉડર ૧/૩ કપ ખાંડ • કેસર.

રીત

એક બાઉલમાં મેંદો, સોજી અને ઘીને મિક્સ કરો. પછી તેમાં થોડુંથોડું દૂધ નાખતા લોટ ગૂંદી લો. પૂરણ તૈયાર કરવા માટે માવો અને ખજૂરને શેકીને ખાંડ મિક્સ કરીને ઠંડું થવા દો. તેમાં એલચી પાઉડર અને કેસર નાખીને અલગ રાખો. લોટના નાનાનાના લૂઆ બનાવીને તેની પૂરી વણો. પૂરીમાં મિશ્રણ ભરીને પોટલી બનાવો અને ઘીમાં તળો. એક પેનમાં ૧/૪ કપ પાણી અને ખાંડ નાખીને ચાસણી બનાવો. ચાસણીમાં પોટલી ડિપ કરીને સર્વ કરો.

કેળાં પનીહારમ

સામગ્રી

• ૫૦ ગ્રામ જાંબુ ઠળિયા કાઢેલા • ૮૦ ગ્રામ કેળાં • ૧૦૦ ગ્રામ મેંદો • ૬૦ મિલીલિટર દૂધ • ૫૦ ગ્રામ માખણ • ૫ ગ્રામ બેકિંગ પાઉડર • સજાવવા માટે દાડમના દાણા.

રીત

એક બાઉલમાં કેળા મેશ કરીને અલગ રાખો. બીજા બાઉલમાં દૂધ, મેંદો, ઓગાળેલું માખણ અને જાંબુ મિક્સ કરો. તેમાં મેશ્ડ કેળાં અને બેકિંગ પાઉડર મિક્સ કરો. હવે પનીહારમ મોલ્ડમાં બેટર નાખીને ૫ મિનિટ સુધી પકાવો. એક બાજુ ચડી જાય પછી ફેરવીને બીજી બાજુથી પણ પકાવો. દાડમના દાણાથી સજાવીને સર્વ કરો.

શબનમનાં મોતી ઓન શોર્ટ ક્રસ્ટ બોટ