మీరు ఎమోషనల్ ఈటరా?

అవసరానికి మించి మీరు భోజనం చేస్తున్నారా? తక్కువగా తిని తర్వాత పశ్చాత్తాప పడుతున్నారా? అయితే ఈ సమాచారం మీ కోసమే...

- - మినీ సింగ్

అవసరానికి మించి మీరు భోజనం చేస్తున్నారా? తక్కువగా తిని తర్వాత పశ్చాత్తాప పడుతున్నారా? అయితే ఈ సమాచారం మీ కోసమే...

38 సంవత్సరాల నళిని బొటిక్ నడుపుతూ ఉండేది. కరోనాకు ముందు ఆమె పెద్ద మొత్తంలో డబ్బు సంపాదించేది. కానీ కరోనాతో ఆమె వ్యాపారం చాలా దెబ్బ తిన్నది. షాపును అమ్మాల్సి వచ్చింది.

అయితే షాపు అమ్మడం వల్ల నళిని తీవ్ర ఒత్తిడికి గురైంది. ప్రతి చిన్న విషయానికి భర్తతో గొడవ పడింది. ఫలితంగా ఆమెలో ఓపిక నశించి పోయింది. ఇంట్లో ఉన్న కారణంగా ఆమె డైటింగ్ పాటర్న్ మారిపోయింది. ఒకప్పుడు 55 కిలోల బరువు ఉండే ఆమె 85 కిలోలకు చేరింది.

ఒత్తిడికి గురైనప్పుడు ఆమె బయటి నుంచి ఏదో ఒకటి ఆర్డరు చేసి తెప్పించుకుని తినేది.దీంతో తన స్ట్రెస్ కొంతమేర తగ్గుతుందని ఆమెకు అనిపించేది. అద్దంలో చూసుకుని తనను తాను అసహ్యించుకునేది. కరోనా కారణంగా ఆమె వ్యాపారం ఆగిపోవడంతో ఆమెలో ఆందోళన రుగ్మత చోటు చేసుకుంది. దాంతో ఆమె తినే అలవాటు దారి తప్పింది. సెల్ఫ్ ఇమేజ్ గురించి ఆందోళన చెందింది.

ఎమోషనల్ ఈటింగ్ అంటే ఏమిటి?

ప్రతికూల భావోద్వేగాలను అధిగమించడానికి తరచుగా ఎక్కువగా తినే అలవాటును ఎమోషనల్ ఈటింగ్ అంటారు. కొన్నిసార్లు అర్థరాత్రి ఆకలి అనిపించినప్పుడు ఫ్రిజ్లో ఆహారం కోసం వెతుకుతారు. అవి దొరక్కపోతే పిజ్జా, బర్గర్, పాస్తా లాంటివి ఆర్డర్ చేస్తారు.

చాలాసార్లు మనుషులు కోపం, విచారం, భాగస్వామితో బ్రేకప్ లేదా మనసులో ' అర్థం లేని కారణంతో భయంతో ఏదో ఒకటి తింటారు.తర్వాత నేను ఇంత ఎందుకు తిన్నానా అని పశ్చాత్తాపపడతారు.

26 సంవత్సరాల దీక్ష డిగ్రీ పూర్తి చేసి నాలుగు సంవత్సరాలుగా ఉద్యోగం కోసం వెతుకు తోంది. ఇప్పటివరకు ఎక్కడా పని దొరకక పోవడంతో ఆమె తీవ్ర ఒత్తిడికి లోనైంది. ఇక తనకు ఉద్యోగం రాదు అన్న ప్రతికూల ఆలోచన ఆమెలో స్థిరపడిపోయింది. ఈ ఒత్తిడి కారణంగా ఆమె బయటి నుంచి పిజ్జా, పాస్తా, మెమోస్ లాంటి తెప్పించుకుని తినసాగింది. కడుపు నిండినా ఇంకా ఏదో తినాలనిపించేది. తిన్నాక తను ఎందుకు తిన్నానా అని బాధపడేది.