దూరంగా ఉంటున్న కొడుకు, కోడలు చెడ్డ వారేం కాదు

చాలా మంది యువతీ, యువకులు కెరీర్లో స్థిరపడిన తర్వాత మాత్రమే వివాహం చేసుకోవాలని నిర్ణయించు కుంటారు.

- - శైలేంద్ర సింగ్ •

దాంతో పరిస్థితుల కారణంగా తల్లిదండ్రులకు దూరంగా ఉండాల్సి వస్తుంది. అటువంటి పరిస్థితులు ఎదురైనప్పుడు తెలివిగా వ్యవహరించాల్సి ఉంటుంది. అంటే ఇలాగ...

లక్నోలోని ఫ్యామిలీ కోర్ట్ న్యాయవాదులు, కక్షిదారులతో చాలా కోలాహలంగా ఉంది.కోర్ట్ బయట ఒక మూలన, అబ్బాయి తన తల్లిదండ్రులతో, అమ్మాయి తన తల్లిదండ్రులతో కలిసి తమ పిలుపు కోసం వేచి చూస్తున్నారు. కొద్ది సేపటికి కోర్ట్ బంట్రోతు ఇద్దరి పేర్లూ పిలిచాడు. అబ్బాయి అమ్మాయి లోపలికి వెళ్లారు.

న్యాయమూర్తి మొదట ఫైల్ను తిప్పి తిప్పి చూస్తూ ఆపై అమ్మాయిని “నువ్వు వారితో ఎందుకు ఉండాలని అనుకోవట్లేదు?”అని అడిగాడు.

ఆ అమ్మాయి “సార్, నేను కూడా ఉద్యోగం చేస్తున్నాను. నేను ఆఫీసుకి వెళ్తాను. అక్కడ నుంచి తిరిగి వచ్చిన తర్వాత నేను అన్ని పనులు చేయాలి. నేను పనిమనిషిని పెడతానంటే, మా మామగారు, పనిమనిషి తయారుచేసిన వంట తిననని అంటారు. అయితే నేను మా వల్ల నా భర్త అతని తల్లిదండ్రులను విడిచిపెట్టి ఉండడం కూడా నాకు ఇష్టం లేదు. కానీ ఈ పరిస్థితుల్లో మాకు విడివిడిగా ఉండడం తప్ప వేరే గత్యంతరం కనిపించడం లేదు" అని చెప్పింది.

జడ్జి ఆమె భర్త తల్లిదండ్రులను పిలిచి, కొద్ది రోజులు కొడుకు, కోడలిని విడివిడిగా బతకనివ్వమని వారికి వివరించాడు. ఈ మధ్యలో మీకు అవసరమైన పనులు చేసి పెట్టడానికి ఒక మనిషిని నియ మించుకోండి. మీ కోడలు మరొక నగరానికి బదిలీ అయిందనుకోండి. రోజులు గడిస్తే అంతా సవ్యంగా మారుతుందని చెప్పాడు జడ్జి. జడ్జి మాటలు విన్న తల్లిదండ్రులు దానికి అంగీకరించారు. క్రమంగా అంతా సర్దుకుంది. ఇలా ఒక కుటుంబం విడిపోకుండా కాపాడబడింది.

ఇలాంటి కేసులు చాలా ఉన్నాయి. ఫ్యామిలీ కోర్ట్ లాయర్ మోనికా సింగ్ మాట్లాడుతూ “అమ్మాయి తన అత్తమామలతో కలిసి జీవించడానికి ఇష్టపడని విడాకుల కేసులే చెప్పింది. అత్యధిక సంఖ్యలో ఉన్నాయి” అని చెప్పింది.

ప్రైవసీ ముఖ్యం

అబ్బాయిలు, అమ్మాయిల వివాహానికి చట్టబద్ధమైన వయసు 21, 18 సంవత్సరాలు అయినప్పటికీ, వివాహానికి సగటు వయసు 25-30 సంవత్సరాలుగా మారింది. ఎక్కువగా అబ్బాయిలు, అమ్మాయిలు ఉద్యోగం లేదా వ్యాపారంలో సెటిల్ అయిన తర్వాతే వివాహం చేసుకుంటారు.