పిల్లలకు రుచితో పాటు ఆరోగ్యాన్నిచ్చే వంటకాలు

పిల్లలకు రుచితోపాటు పౌష్టికాహారం తినిపించా లనుకుంటే, ఈ వంటలను ప్రయత్నించండి. వారు ఇష్టంగా తింటారు.

- - ప్రియాంక యాదవ్

శోభా ముఖర్జీకి 39 ఏళ్లు. ఆమె తన భర్తతో కలిసి ఢిల్లీలోని రోహిణి ప్రాంతంలోని ఆనంద అపార్ట్మెంట్లో నివసిస్తోంది. వారికి కొడుకున్నాడు.పేరు ఆరవ్. అతనికి 7 ఏళ్లు. అన్నం తినిపించి నప్పుడల్లా చాలా మారాం చేస్తాడు. “కొన్నిసార్లు అస్సలు తినడు. తరచుగా తన ప్లేట్లో మెంతికూరను వదిలివేస్తాడు. కానీ అతను జంక్ ఫుడ్న చాలా ఇష్టంగా తింటాడు. ముఖ్యంగా పిజ్జా, బర్గర్ల లాంటి వాటిని. అతను భోజనం చేయకుండా మారాం చేసినప్పుడల్లా తిననప్పుడు చాలాసార్లు నేను అతనికి జంక్ ఫుడ్ ఇవ్వాల్సి వస్తుంది. అయితే ఆరవ్ జంక్ ఫుడ్ తినడం నాకు ఇష్టం లేదు. అతను ఆరోగ్యంగా ఉండాలంటే మంచి పౌష్టికాహారం తినాలని అనుకుంటున్నాను" అని చెప్పింది.

ఈ సమస్య శోభదే కాదు. చాలామంది తల్లులు ఈ సమస్యతో బాధపడుతున్నారు.పిల్లలు బర్గర్లు, పిజ్జా, పాస్తా, ఫ్రెంచ్ ఫ్రైస్, మోమోస్, రోల్స్ మొదలైన వాటిని ఇష్టపడతారు. కానీ జంక్ ఫుడ్ పోషకాహారాన్ని అందించదు. ఇది ఊబకాయం, ఇతర రోగాలను మాత్రమే ఇస్తుంది.

పిల్లలు ముఖ్యంగా నెయ్యి, సొరకాయ, బచ్చలికూరతో సహా ఆకుపచ్చ కూరగాయలను తినడానికి ఇష్టపడరు. పండ్ల గురించి చెప్పాలంటే వారికి సపోటా, అరటిపండు అంటే ఇష్టం ఉండదు. పాలు తాగమంటే మూతి తిప్పుకుంటారు. అటువంటి పరిస్థితిలో వారికి ఆరోగ్యకరమైన పోషకమైన ఆహారాన్ని అందించడం ఒక సవాలు లాంటిది.

పిల్లలకు పౌష్టికాహారం తినిపించాలంటే, వారికి వండి పెట్టే, తినిపించే పద్ధతుల్లో కొన్ని మార్పులు చేసి కొత్త పద్ధతులను అవలంబించాలి.పిల్లలకు పోషకాహారంతో కూడిన ఆహారాన్ని అందించడానికి కొన్ని స్మార్ట్ పద్ధతులు ఉన్నాయి. వాటి గురించి తెలుసుకుందాం:

మీరు తయారు చేసే ఆహారానికి మీరే పేరు పెట్టండి.

పిల్లలు వారు తినే ఆహారం పేర్లను విని బోరింగ్ గా ఫీలవుతారు. కాబట్టి మీరు తయారు చేసిన ఆహారానికి కొత్త పేరు పెట్టండి.ఉదాహరణకు బ్రెడ్ ఆమ్లెట్ పేరును సాధారణంగా కాకుండా ఎగ్గీ బాడ్కి మార్చండి.