இயர்போன் காது பத்திரம்?

இன்றைய நவீன யுகத்தில் தொழில்நுட்ப வசதிகள் தவிர்க்க முடியாத ஒன்றாகி விட்டது. பேருந்து நிலையம், ரெயில் நிலையம், ஷாப்பிங் மால் என எங்கு பார்த்தாலும் இளம் தலைமுறையினர் காதுகளில் இயர்போன் மாட்டிக் கொண்டு அதிக ஒலியுடன் பாடல்கள் கேட்கின்றனர்.

காலையில் வாக்கிங் செல்வது முதல் இரவில் தூங்கும் வரை எல்லா நேரமும் காதில் இயர்போன் மாட்டிக் கொண்டிருப்பது பலருக்கும் வாடிக்கையாகி விட்டது. இதனால், ஆபத்தான பல பிரச்சனைகளை எதிர்கொள்ள நேரிடும் என்று எச்சரிக்கின்றனர் மருத்துவர்கள்.

ஒரு நாள் முழுக்க, அல்லது இடைவிடாமல் நீண்ட நேரத்திற்கு அதிக சத்தத்து டன் இயர்போன்களை பயன்படுத்தினால் காது செவுல்களில் அதிக அதிர்வுகள் ஏற்படும். ஆரம்பத்தில் வலியை ஏற்படுத்தினாலும் நாளாக நாளாக காது கேளாமை, மயக்கம் உள்ளிட்ட பல பிரச்சனைகளை ஏற்படுத்தும்.

இயர்போன்களை காதுக்குள் நீண்ட நேரம் வைத்திருப்பதால் காற்று உள்ளே செல்வது தடுக்கப்படுகிறது. இதனால் காதுக்குள் பாக்டீரியா தொற்று ஏற்பட வாய்ப்புண்டு. மேலும் இயர்போன் பயன்பாடு காதில் மெழுகு திரவம் போன்ற அழுக்கு வெளியேறுவதை தடுத்து விடுகிறது.

இயர் வாக்ஸ் காதுகளில் அதிகளவு சேரும் போது தலைச்சுற்றல், வலி, அரிப்பு, வெர்டிகோ போன்ற பல பிரச்சனைகள் ஏற்பட காரணமாக அமைந்து விடும்.