அரசியலில் விஜய்...எதிர் நிற்கும் சவால்கள்!

'தமிழக வெற்றி கழகம்' கட்சியின் பெயரை அறிவித்து, 2026 சட்டமன்ற தேர்தல்தான் எங்கள் இலக்கு, நாடாளுமன்ற தேர்தலில் யாருக்கும் அதரவு இல்லை என்று அரசியல் வண்டியை விஜய் ஸ்டார்ட் பண்ணிவிட்டார்.

- பரிதி

இது இப்போதைய திடீர் முடிவு அல்ல,கடந்த பலவருடங்களாக ரசிகர்களை டியூன் செய்து அவர்களை அறிவிக்கப்படாத அரசியல்வாதியின் மனநிலைக்கு கொண்டு சென்றபின் எடுத்த முடிவுதான் இது. அதை அவ்வப்போது மக்களும் உணரும் விதம் செய்யும் செயல்கள் மூலம் உணர்த்தியும் வந்தார். அதைத்தான் இப்போதைய அரசியல் அறிவிப்பில் விளக்கமாகவே சொல்லில் வடித்துள்ளார்விஜய்.

ஆம்...கடந்த 13 வருடங்களுக்கு முன்பு விஜய் அளித்த பேட்டி ஒன்றில் அரசியல் வருகை குறித்து பதிலளித்துள்ளார்.

"நான் ஒரு நடிகன் ஆகவேண்டும் என்று ஆசைப்பட்டேன். இவ்வளவு பெரிய ஸ்டேஜில் மக்கள் என்னை கொண்டு வந்து உட்கார வைப்பாங்க என்று அப்போது நான் எதிர்பார்க்கல. அது காலம்.. என்னைக் கொண்டு வந்து இந்த இடத்தில் உட்கார வைத்துள்ளது.

அதே மாதிரி காலம் என்னைக் கொண்டு போய் ஒரு இடத்தில் உட்கார வைக்கும். அதற்கு அந்த நேரம் காலம், சூழல் இடம் எல்லாமே அமைய வேண்டும். அது வரும் போது நான் கட்டாயமாக தமிழ்நாட்டு மக்களுக்கு எதாவது செய்ய வேண்டும் என்பதில் உறுதியாக இருக்கிறேன். இப்போ என்ன பண்ண போறேன் என்று கேட்டால் என்னிடம் பதிலே கிடையாது.