நடிகைகளின் கர்ப்பகால போட்டோசூட்?

வீட்டுல ஏதாவது விசேஷமா... தலைக்கு குளிச்சு எவ்வளவு நாள் ஆச்சு? என இலை மறை காயாக பெண்களின் கர்ப்பம் பற்றி தெரிந்து கொண்ட காலம் எல்லாம் மலையேறி விட்டது.

- தவா

பேறு காலத்திற்கு முன்பு பெண்ணின் மனம் சந்தோஷமாக இருக்க வேண்டும் என்பதற்காக ஊரை கூட்டி வளைகாப்பு நடத்துவார்கள். இப்போதெல்லாம் கர்ப்பகாலம் என்றாலே போட்டோசூட் நடத்தி ஊருக்கே அறிவிப்பது வாடிக்கையாகிவிட்டது.

குறிப்பாக, கோலிவுட் முதல் ஹாலிவுட் வரை நடிகைகள் வரிசை கட்டி கர்ப்ப கால போட்டோக்களை ட்வீட் செய்து இணையத்தில் டிரெண்ட் ஆக்கி வருகிறார்கள். அந்த வரிசையில் கடந்தவார டிரெண்டிங்கில் காமெடி நடிகர் ரெடின் கிங்ஸ்லியின் மனைவியும் நடிகையுமான சங்கீதா இணைந்தார். கருவில் இருப்பது பெண்ணா... ஆணா... என எதிர்பார்ப்பில் இருப்பவருக்கு 'உங்களுக்கு இரட்டை குழந்தை' என வாழ்த்துகிறார்கள் இணைய ரசிகர்கள்.

இந்த கர்ப்பக்கால போட்டோ சூட் டிரெண்டை இங்கு அறிமுகப்படுத்தியவர் 'மதராசப் பட்டினம்' படத்தின் மூலம் கோலிவுட்டில் துரையம்மாவாக அறிமுகமான நடிகை எமி ஜாக்சன்தான்.

இங்கு ஒன்றிரண்டு படங்களில் நடித்தபின் சொந்த ஊருக்கு கிளம்பிப் போனவர், லண்டனைச் சேர்ந்த மிகப்பெரிய கோடீஸ்வரர் ஜார்ஜ் உடன் காதலில் விழுந்தார்.

2019-ல் இருவருக்கும் திருமண நிச்சயதார்த்தம் நடந்த நிலையில், இருவரும் லிவிங் டூ கெதர் முறையில் ஒன்றாக வசித்தனர். திருமணத்திற்கு முன்பே கர்ப்பமான எமி, கர்ப்ப காலத்தில் விதவிதமாக போட்டோ ஷூட் நடத்தினார். குழந்தை பிறந்த பிறகும், அன்னையர் தினத்தில், பாத் டப்பில் குழந்தையுடன் சில போட்டோக்களை எடுத்து ட்வீட் செய்தார். குழந்தை பிறந்த அதே வருடத்தில் எமி தன் காதலரை பிரிந்தார்.

இதன் பிறகு சீக்கிரமே மூவ் ஆன் ஆகி விட்ட எமி, அடுத்து எட் வெஸ்ட்விக் என்ற ஹாலிவுட் நடிகரை காதலித்து வந்தார்.