സപ്തതിയുടെ നിറവിൽ ജോഷി

കർമ്മമേഖലയിൽ 44 വർഷം

മലയാളത്തിലെ എക്കാലത്തെയും സൂപ്പർഹിറ്റ് ഡയറക്ടറാണ് ജോഷി. അദ്ദേഹത്തിനൊപ്പം വന്ന ഐ.വി. ശശി അടക്കമുള്ള പല വലിയ സംവിധായകരും ഇൻഡസ്ട്രി ഔട്ട് ആയപ്പോഴും ഒരേ പ്രതാപത്തോടെ നാല് പതിറ്റാണ്ടായി തല ഉയർത്തി നിന്ന ജോഷി ന്യൂജൻ സിനിമാക്കാർക്കൊപ്പവും താൻ അജയ്യനാണന്ന് തെളിയിച്ച് മുന്നേറുകയാണ്. ഇക്കൊല്ലം 70-ാം വയസിലെത്തുന്ന അദ്ദേഹത്തിന്റെ ബുദ്ധിക്കും ചിന്തയ്ക്കും ഭാവനയ്ക്കും നിത്യയൗവ്വനമാണെന്ന് പറയാതെ വയ്യ.

കെ. മധുവും സിബി മലയിലും കമലും ഹരിഹരനും അടക്കമുളള പല വമ്പൻമാരും കാലത്തിനൊത്ത് മാറുന്നില്ല എന്ന പരാതിയിൽ പ്രേക്ഷകർ കയ്യൊഴിഞ്ഞപ്പോൾ ഏറ്റവും പുതിയ ആഖ്യാനരീതിയിൽ റോബിൻഹുഡ് എന്ന സിനിമയൊരുക്കി സിനിമാ പ്രേമികളെയും ചലച്ചിത്ര പ്രവർത്തകരെയും ഞെട്ടിച്ചു കളഞ്ഞു ജോഷി.