നമ്മുടെ മാതൃഭൂമി, നമ്മുടെ മാതൃഭാഷ

കഥയും കാര്യവും

- അമ്പലപ്പുഴ രാജഗോപാൽ

പ്രിയമുള്ള കൂട്ടുകാരെ,

നമ്മുടെ അമ്മ, നമ്മുടെ ജന്മഭൂമി, നമ്മുടെ ഭാഷ ഇതെല്ലാം നമുക്ക് വളരെ വലുതാണ്. ഒട്ടേറെ ത്യാഗം സഹിച്ചു വളർത്തിയ അമ്മയും നമുക്ക് സ്വൈര്യമായി ജീവിക്കാൻ സ്വതന്ത്രമായി സഞ്ചരിക്കാൻ നമ്മുടേതെന്ന് അവകാശപ്പെടാൻ ഈ മാതൃഭൂമിയും നാം ഈ ലോകത്തോടുതന്നെ സംസാരിച്ചു തുടങ്ങിയ നമ്മുടെ അറിവും ആനന്ദവുമായ "മാതൃഭാഷ'യും നമുക്ക് എത്രയും പ്രിയപ്പെട്ടതാണ്.

നാം എങ്കിലും, മാതൃഭാഷയോട് കാണിക്കുന്ന അലക്ഷ്യമായ സമീപനം പഠിക്കുന്ന കുട്ടികളായ നമുക്ക് നന്നല്ല. മാതൃഭാഷയെ ആദരിക്കേണ്ടത് എങ്ങനെയെന്ന് നാം ഇനിയും പഠിച്ചിട്ടില്ല.

തന്റെ മാതൃഭാഷയെ മാതൃഭൂമിയെപ്പോലെ, "അമ്മയോടെന്ന പോലെ സ്നേഹിക്കുന്ന അന്യദേശക്കാരെ നാം കണ്ടു പഠിക്കേണ്ടതാണ്.