ഹിപ്പോലിത്ത

ഇതിഹാസത്തിലെ സ്ത്രീകൾ

- കണക്കൂർ ആർ. സുരേഷ്കുമാർ

ഗ്രീക്ക് പുരാണകഥകളിൽ പരാമർശിക്കപ്പെടുന്ന അതീവ ധൈര്യശാലികളായ വനിതാ യോദ്ധാക്കളാണ് ആമസോണുകൾ എന്നറിയപ്പെടുന്നത്. ഇവരുടെ ഒരു റാണിയായിരുന്നു ഹിപ്പോലിത്ത. ആമസോണുകളെ കുറിച്ചും ഹിപ്പോലിത്തയെ കുറിച്ചും നിരവധി കഥകളുണ്ട്. കരിങ്കടലിന്റെ തീരത്തായിരുന്നു ഇവരുടെ രാജ്യം എന്ന് കരുതപ്പെടുന്നു. പുരുഷൻമാർക്ക് ഇവരുടെ രാജ്യത്ത് പ്രവേശനമില്ല. കുട്ടികൾക്കായി വർഷത്തിലൊരിക്കൽ ആമസോണുകൾ മറ്റു വർഗ്ഗത്തിലുള്ള പുരുഷൻമാരുമായി ബന്ധപ്പെടും. ആൺകുട്ടികളാണ് അവർക്കു ജനിക്കുന്നതെങ്കിൽ  ആ കുട്ടികളെ ഉപേക്ഷിക്കും.