ലൂയിസ മേയ് ആൽക്കോട്ട്

സ്ത്രീകളുടെ വോട്ടവകാശത്തിനും സ്ത്രീ സ്വാതന്ത്ര്യത്തിനും വേണ്ടിയുള്ള പ്രവർത്തനങ്ങളിൽ പങ്കാളിയായ ആൽക്കോട്ട് ഒരു തികഞ്ഞ ഫെമിനിസ്റ്റ് അയിരുന്നു. ചെറുപ്പത്തിൽ ടോംബോയി അയി സ്വയം വിശ്വസിച്ചിരുന്ന അവൾ അക്കാലത്ത് ആൺകുട്ടികളുടെ രീതികളാണ് കളികളിലൊക്കെ തുടർന്നത്.

-  കണക്കൂർ ആർ. സുരേഷ്കുമാർ

അമേരിക്കൻ നോവലിസ്റ്റും ചെറുകഥാകൃത്തുമായ ലൂയിസ മേയ് ആൽക്കോട്ട് ബാലസാഹിത്യകാരി എന്ന നിലയിലും പ്രശസ്തി നേടിയ വനിതയാണ്. മാത്രമല്ല അക്കാലത്തുതന്നെ ഫെമിനി പ്രസ്ഥാനങ്ങളിൽ സജീവയുമായിരുന്നു. 1832-ൽ ഫിലാഡൽഫിയയിലെ ഒരു പട്ടണത്തിലാണ് അവൾ ജനിച്ചത്. മാതാപിതാക്കളുടെ നാലു പെൺമക്കളിൽ രണ്ടാമത്തെ കുട്ടിയായിരുന്നു അവൾ, പിതാവ് ഒരു അതീന്ദ്രിയവാദി ആയിരുന്നു. 1834-ൽ കുടുംബം ബോസ്‌റ്റണിലേക്ക് മാറി. പിതാവ് വളരെ കഷ്ട പ്പെട്ടാണ് കുടുംബത്തെ പോറ്റിയത്. പ്രശ്നങ്ങൾ അടിക്കടി ഉണ്ടായതിനാൽ ആൽക്കോട്ട് കുടുംബത്തിന് പലയിടങ്ങളിലും മാറിമാറി പൊറുക്കേണ്ടി വന്നു.