ധർമ്മത്തിന്റെ വഴിയേ നല്ല...

കഥയും കാര്യവും

-  അമ്പലപ്പുഴ രാജഗോപാൽ

പ്രിയമുള്ള കൂട്ടുകാരെ,

ജീവിതത്തിൽ പലതും, കണ്ടും കേട്ടുമാണ് നമ്മൾ വളരുന്നത്. പക്ഷേ, കണ്ടതെല്ലാം കൈവശമാക്കാനുള്ളതോ, കേട്ടതെല്ലാം സത്യമറിയാതെ വിശ്വസിക്കാനുള്ളതോ അല്ല. അനർഹമായത് വാങ്ങുകയോ, കൊടുക്കുകയോ ആർക്കും നന്നല്ല.

മഹാജ്ഞാനിയായ ഒരു സന്യാസി ദേശസഞ്ചാരത്തിനിടയിൽ ബജദേവ് രാജാവിന്റെ സദസ്സിൽ എത്തിച്ചേർന്നു. മഹാരാജാവ് അങ്ങേയറ്റം ആദരവോ ടെ അദ്ദേഹത്തെ സ്വീകരിച്ചു. അന്നേ ദിവസം ഭക്ഷണമെല്ലാം കഴിച്ചിട്ട് രാത്രി അവിടെ വിശ്രമിക്കണമെന്ന് അപേക്ഷിച്ചു. അദ്ദേഹം രാജാവിന്റെ സൽക്കാരങ്ങളെല്ലാം സ്വീകരിച്ച് ആ രാത്രി അവിടെ വിശ്രമിക്കാൻ തയ്യാറെടുത്തു.

എന്നാൽ ബജദേവ് രാജാവ് അങ്ങേയറ്റം ദുർമാർഗ്ഗിയും ദുരാഗ്രഹിയും കാപട്യക്കാരനുമായിരുന്നു. ജനങ്ങളോട് അതിക്രമം കാട്ടി തന്റെ ഖജനാവിനെ സമ്പത്തുകൊണ്ടു നിറച്ചു സുഖിച്ചു വാഴുകയായിരുന്നു.

ആഡംബരപൂർണ്ണമായ മുറിയാകെ ചുറ്റിനടന്നുകണ്ട് സന്യാസിയാകട്ടെ, രാജാവിന്റെ അച്ഛന്റെ പ്രതിമയിൽ ചാർത്തിയിരിക്കുന്ന സ്വർണ്ണാഭരണങ്ങൾ വിശ്രമത്തിനിടയിൽ ശ്രദ്ധിച്ചു.