ഗദ്യകവിതയുടെ വഴിയിൽ ....

വഴിത്തിരിവ് - വൈഷ്ണവ് സതീഷ് വിവിധ മേഖലകളിൽ ശ്രദ്ധേയരായവർ തങ്ങളുടെ ജീവിതത്തിൽ വഴിത്തിരിവായ സന്ദർഭങ്ങൾ പങ്ക് വയ്ക്കുന്നു.

- ഉമ ആനന്ദ്

കേരളത്തിൽ ഗദ്യ കവിതാ പ്രസ്ഥാനത്തിന് തുടക്കം കുറിച്ചത് അയപ്പപ്പണിക്കരാണെന്ന് പറയപ്പെടുന്നു. പിന്നീട് സച്ചി ദാനന്ദനും കെ.ജി.യും അയ്യപ്പനുമൊക്കെ ആ മേഖലയിൽ ഗണ്യമായ സംഭാവന ചെയ്തവരാണ്.

വൃത്തമില്ലെങ്കിലും വരികളിൽ കവിതയുണ്ടെങ്കിലെ അത് ഗദ്യ കവിതയാവൂ.

ഈ മേഖലയിലെ പുതിയ വാഗ്ദാനമാണ് വൈഷ്ണവ് സതീഷ്.

പ്ലസ് വണ്ണിന് പഠിക്കുമ്പോൾ കവിതാ മത്സരത്തിൽ ഒന്നാം സമ്മാനം നേടിയ വൈഷ്ണവ് പിന്നീട് ജാതി കുമ്മിയടക്കം ആറ് പുരസ്കാരങ്ങൾ കരസ്ഥമാക്കിക്കഴിഞ്ഞു. ഓൺലൈൻ രംഗത്ത് ഏറെ ശ്രദ്ധിക്കപ്പെടുന്ന കവിയാണ് വൈഷ്ണവ്. സാഹിത്യ അക്കാദമി പ്രസിഡണ്ട് സച്ചിദാനന്ദനിൽ നിന്നും ഒരു പുരസ്കാരം ഏറ്റുവാങ്ങിയ വൈഷ്ണവ് സതീഷ് കവിതയുടെ വഴിയിലൂടെ സഞ്ചരിക്കാൻ തന്നെയാണ് ഇഷ്ടപ്പെടുന്നത്.

കവിതയുമായി കാലത്തിന് മുമ്പ യുവ കവി പിന്നിട്ട സഞ്ചരിക്കുന്ന ഈ വഴികൾ ഓർത്തെടുക്കുന്നു.

“പാലക്കാട് ജില്ലയിലെ മണ്ണാർക്കാട് സ്വദേശിയായ സതീഷ് കുമാറാണ് എന്റെ അച്ഛൻ. അമ്മ സിന്ധു. അച്ഛൻ മലയാളം അധ്യാപകനായിരുന്നുവെങ്കിൽ അമ്മ കണക്ക് അധ്യാപികയാണ്. എനിക്കൊരു സഹോദരനും ഉണ്ട്. ചേട്ടന് സാഹിത്യത്തിൽ തെല്ലും താൽപര്യമില്ലാത്ത ആളാണ്. എംബിയോളജി കഴിഞ്ഞ് തമിഴ് നാട്ടിൽ ജോലി നോക്കുന്നു. ഞാൻ മലപ്പുറം പെരിന്തൽമണ്ണ പൂക്കോയതങ്ങൾ മെമ്മോറിയൽ ഗവൺമെന്റ് കോളജിൽ ഇംഗ്ലീഷ് ലിറ്ററേച്ചറിന് രണ്ടാം വർഷം പഠിക്കുന്നു. വായനയിലേക്ക് വാതിൽ തുറന്നത് അച്ഛൻ തന്നെയാണ്. പ്രത്യേകിച്ചും മലയാളം അധ്യാപകനായതു കൊണ്ടു തന്നെ അച്ഛന് അക്ഷരങ്ങളോട് അളവറ്റ സ്നേഹമായിരുന്നു.