ധനം

ശുഭചിന്ത

- ഉഷാവർമ്മ

മനുഷ്യൻ എത്രയൊക്കെ ധനം സമ്പാദിച്ചാലും ഏതെല്ലാം വഴിയിലൂടെ നേടിയാലും ഇല്ലാത്തവൻ അവന്റെ മുമ്പിൽ വന്ന് കൈനീട്ടിയാൽ നൽകില്ല. മരിക്കുമ്പോൾ ഇതൊന്നും നമ്മൾ പരലോകത്തേക്ക് കൊണ്ടുപോകുന്നില്ല എന്ന വസ്തുത അവൻ മനഃപൂർവം മറക്കുന്നു. ധനത്തിനുവേണ്ടി വിശ്വാസവഞ്ചന ചെയ്യുവാനും മടിയില്ലാത്തവർ നമുക്കിടയിലുണ്ട്.

നമുക്ക് നമ്മുടെ ധാർമ്മിക ആവശ്യങ്ങൾക്ക് ഉപയോഗിക്കുവാനുള്ളതാണ് പണം. തനിക്കും തന്റെ കുടുംബാംഗങ്ങൾക്കും സുഖമായി കഴിയാൻ അവൻ അത് ഉപയോഗിക്കുന്നു. ധനം കൂട്ടി വച്ച് അത്യാവശ്യങ്ങൾക്കുപോലും അതിൽ നിന്നെടുക്കാതെ പിശുക്കനായി ജീവിച്ചാൽ അത് അനുഭവിക്കാൻ യോഗമില്ലാതായിത്തീരും. ഒരു കുഴിയിൽ കെട്ടിക്കിടക്കുന്ന ശുദ്ധജലം കുറച്ചു ദിവസങ്ങൾ കഴിയുമ്പോൾ ദുർഗന്ധപൂരിതമായ മലിന ജലമായി മാറുന്നു. അതു പോലെ തന്നെയാണ് കൂട്ടിവയ്ക്കുന്ന ധനവും നശിക്കുന്നത്.