അഭിനയം എപ്പോഴും ഒപ്പമുണ്ട്

ഓസ്കാർ വേദിയിലേക്ക് ചെല്ലോ ഷോ' എത്തുമ്പോൾ, തിളങ്ങാൻ മലയാളിയായ ടിയ സെബാസ്റ്റ്യനും

- ബിന്ദു. പി.പി

ചെറുപ്പം മുതൽ നാടകം കുഞ്ഞു ടിയ സെബാസ്റ്റ്യനൊപ്പമുണ്ട്. ടിയ വളരുന്നതോടൊപ്പം നാടകവും അഭിനയവും ജീവവായു പോലെ അവളിൽ നിറഞ്ഞുനിന്നു. കഴിഞ്ഞ പതിനാറ് വർഷത്തിൽ തന്റെ ജീവിതത്തിന്റെ ഭാഗമായി കൊണ്ടുപോകുന്ന അഭിനയവഴിയിൽ ഇതാ ഒരു പൊൻകിരണം കൂടി തെളിഞ്ഞിരിക്കുന്നു. ആരും സ്വപ്നം കാണുന്ന ഓസ്ക്കാർ വേദിയിലേക്ക് ഇന്ത്യയിൽ നിന്നുള്ള ഔദ്യോഗിക എൻട്രിയായി തെരഞ്ഞെടുക്കപ്പെട്ട ഗുജറാത്തി സിനിമ ചെല്ലോ ഷോ' (The last film show) യിൽ ടിയയുമുണ്ട്. ടിയ അഭിനയിച്ചു തുടങ്ങുമ്പോൾ ഒരിക്കലും സിനിമാ എന്നൊരു പ്ലാറ്റ്ഫോമിനെകുറിച്ച് ചിന്തിച്ചിട്ടു പോലുമില്ല. അതിന് വലുതും ചെറുതുമായ ഒരുപാട് കാരണങ്ങൾ ഉണ്ടായിരുന്നു. ചെറുപ്പം മുതൽ ഒരു ശീലം പോലെ ഒപ്പം നിൽക്കുന്ന അഭിനയത്തിൽ പുതിയ വഴികളിൽ എത്തുമ്പോഴും ഇത്രയും വർഷത്തെ അഭിനയ അനുഭവസമ്പത്തുള്ള ടിയയ്ക്ക് എല്ലാം സാധാരണമായി തന്നെയാണ് തോന്നുന്നത്. ആറോളം ഭാഷകൾ അനായാസമായി കൈകാര്യം ചെയ്യുന്ന ടിയ ഇതിനോടകം ബോളിവുഡ്ഡിലും ഇവിടെ മലയാളത്തിലും അഭിനയിച്ചു കഴിഞ്ഞു. തന്റെ ഒരു യാത്രയെ കുറിച്ചും, ചെല്ലോ ഷോയിലെ ലീലമീല എന്ന കഥാപാത്രത്തെക്കുറിച്ചും ടിയ സംസാരിച്ചു തുടങ്ങി.

നർത്തകിയാണ് ലീല മീല