പരീക്ഷാപ്പേടി കാരണങ്ങളും പ്രതിവിധികളും

അടുക്കും ചിട്ടയും ഇല്ലാത്തതും ധൃതി, വെപ്രാളം എന്നിവ സ്വഭാവത്തിൽ ഉള്ളതും ആയ വ്യക്തികളിൽ വൈകാരികാവസ്ഥകളിൽ വളരെ പെട്ടെന്ന് താഴപ്പിഴകളുണ്ടാകും. അത് മാന സികസംഘർഷത്തിന് കാരണമാകുകയും ചെയ്യും. അതുകൊണ്ട് കുട്ടികളുടെ പ്രധാന ജോലിയായ പഠനം ശരിയായ രീതിയിൽ ആസൂത്രണം ചെയ്യുക എന്നതാണ് പരീക്ഷാപ്പേടി ഇല്ലാതാക്കാൻ ആദ്യമായി ചെയ്യേണ്ടത്.

- ഡോ.എം.പി. മണി

പരീക്ഷയെക്കുറിച്ചുള്ള ഭയം. അത് അനുഭവിക്കാത്തവരായി ആരും തന്നെ ഉണ്ടാകുമെന്ന് തോന്നുന്നില്ല. പരീക്ഷാഹാളിലേയ്ക്ക് കടക്കുമ്പോൾ തന്നെ കൂടുതൽ പേർക്ക് നെഞ്ചിടിപ്പ് ആരംഭിക്കുകയായി. ചോദ്യപേപ്പർ തുറക്കുമ്പോൾ തന്നെ കുറേപ്പേരുടെ കണ്ണുകളിൽ ഇരുട്ട് കയറും. പരീക്ഷാപ്പേടി മൂർദ്ധന്യാവസ്ഥയിലേയ്ക്ക് കടക്കുന്നത് അങ്ങനെയാണ്.

നെഗറ്റീവ് ഹോർമോണായ കോർട്ടിസോൾ കൂടിയ അളവിൽ രക്തത്തിലേക്ക് ഒഴുകിയെത്തുകയും അതിന്റെ ഫലമായി ഓർമ്മകൾ തിരിച്ചെടുക്കാനുള്ള കഴിവ് താൽക്കാലികമായി പ്രശ്നത്തിലാകുകയും ചെയ്യുന്നു. ഭയത്തിന്റെ ഫലമായി ശരീരത്തിൽ നടക്കുന്ന രസതന്ത്ര പ്രവർത്തനങ്ങളുടെ അനന്തരഫലങ്ങളാണ് ഇതെല്ലാം. നെഗറ്റീവ് ചിന്തകൾ ഉണ്ടാകുമ്പോഴാണ് നെഗറ്റീവ് ഹോർമോണുകൾ കൂടിയ അളവിൽ രക്തപ്രവാഹത്തിലേയ്ക്ക് ഒഴുകിയെത്തുന്നത്.

അടുക്കും ചിട്ടയും ഇല്ലാത്തതും കൃതി, വെപ്രാളം എന്നിവ സ്വഭാവത്തിൽ ഉള്ളതും ആയ വ്യക്തികളിൽ വൈകാരികാവസ്ഥകളിൽ വളരെ പെട്ടെന്ന് താഴപ്പിഴകളുണ്ടാകും. അത് മാനസികസംഘർഷത്തിന് കാരണമാകുകയും ചെയ്യും. അതുകൊണ്ട് കുട്ടികളുടെ പ്രധാന ജോലിയായ പഠനം ശരിയായ രീതിയിൽ ആസൂത്രണം ചെയ്യുക എന്നതാണ് പരീക്ഷാപ്പേടി ഇല്ലാതാക്കാൻ ആദ്യമായി ചെയ്യേണ്ടത്.