കാൻസറിനും വാക്സിനുണ്ട്

Doctor's Corner

- ഡോ.കെ.പി. അയ്യപ്പൻ വേണാട് ഹോസ്പിറ്റൽ

മനുഷ്യകുലത്തിനെത്തന്നെ ഭീതിയിലാക്കുന്ന ഒരു അവസ്ഥാവിശേഷമാണല്ലോ കാൻസർ. ഒരൊറ്റ വാക്കിൽ വിവക്ഷിക്കാൻ കഴിയുന്നതല്ല കാൻസർ. ശരീരകോശങ്ങൾ അനിയന്ത്രിതമായി പെറ്റുപെരുകുകയും, അത് വളർന്നു വലുതായി, ഏതേത് കോശങ്ങളെ ആക്രമിക്കപ്പെടുന്നു. ഏത് അവയവത്തെ അല്ലെങ്കിൽ ഗ്രന്ഥിയെ ബാധിക്കുന്നു ഈ അവസ്ഥ എന്നതനുസരിച്ച് ഓരോ പേരുകളിൽ അറിയപ്പെടുന്നു. എല്ലാം വ്യത്യസ്തതരം കാൻസറുകളാണ്. ഒട്ടു മിക്ക കാൻസറുകളും കൂടുതൽ വ്യാപിച്ചുകഴിഞ്ഞാണ് കണ്ടുപിടിക്കപ്പെടുക, അതുകൊണ്ടുതന്നെ ചികിത്സാരീതികളും സങ്കീർണ്ണമാകുന്നു. കാൻസർ ബാധിക്കുന്ന അവയവങ്ങൾക്കും കോശങ്ങൾക്കും അനുസൃതമായി വിവിധ രീതിയിലുള്ള ചികിത്സാരീതികളാണ് അവലംബിക്കപ്പെടുക.

സ്വാഭാവികമായി ഉയരുന്ന ചില ചോദ്യങ്ങളുണ്ട്. കാൻസറിനെ തടയാൻ മാർഗ്ഗമൊന്നുമില്ലേ? കോവിഡ് ജനങ്ങളെ മുഴുവൻ വിഴുങ്ങുന്നതിന് മുമ്പുതന്നെ കാൻസറിന് വാക്സിനുകളുണ്ടായി. ശാസ്ത്രം അത്രയ്ക്കും പുരോഗമിച്ചിരിക്കുന്നു. വിവിധ കാൻസറുകൾ വരാതിരിക്കുന്നതിനുള്ള ശ്രദ്ധിക്കേണ്ട കാര്യങ്ങളും തുടക്കത്തിൽ തന്നെ കണ്ടുപിടിക്കേണ്ട പ്രാധാന്യവുമൊക്കെ പറയുന്നുണ്ട്. പ്രതിരോധത്തിനായി വാക്സിൻ ഉണ്ടോ? ഉണ്ട്. അത്തരം ഒരു വാക്സിനെ കുറിച്ചുള്ള അറിവ് നമുക്കുണ്ടായിട്ട് കുറെകാലമായെങ്കിലും നമ്മുടെയിടയിൽ അതിന്റെ ഉപയോഗം ശ്രദ്ധിക്കപ്പെടേണ്ടിയിരിക്കുന്നു. അത്തരം വാക്സിനുകൾക്ക് ഗർഭാശയ കാൻസറിനെ പ്രതിരോധിക്കാൻ കഴിയും.