ഋതുവോണം ഓണം എപ്പോഴും സ്പെഷ്യലാണ് ഋതുമന്ത്ര

ഏറ്റവും നല്ല മെസേജ് കൊടുത്ത സിനിമ എന്ന വിഭാഗത്തിൽ ഫിലിം ക്രിട്ടിക് അവാർഡ് ചതിയെ തേടി എത്തിയിരുന്നു

- ബിന്ദു പി.പി

ർക്കിടകം കഴിഞ്ഞ് ചിങ്ങം ഒന്നാവുമ്പോഴേക്കും മഴ മാറി ചെറിയ വെയിൽ വന്നുതുടങ്ങുന്ന സമയം. എന്നാൽ ഇടയ്ക്ക് ഇടയ്ക്ക് ചിണുങ്ങി പെയ്യുന്ന മഴയും ആ ഋതുക്കളുടെ മാറ്റമാണ് എനിക്ക് ഓണം. കൂട്ടുകാരുമൊത്ത് പൂപറിക്കാൻ പോയി. അത്തം മുതൽ പത്തു ദിവസം വരെ വളരെ രസകരമായി മുറ്റത്ത് പൂക്കളങ്ങൾ ഇടും. ആ സമയത്ത് ചിലപ്പോൾ മഴ പെയ്യുമ്പോൾ മഴയോട് തന്നെ ദേഷ്യം തോന്നാറുണ്ട്. പൂക്കളം ഒലിച്ചുപോവാതിരിക്കാൻ കുട വയ്ക്കും. അന്നെല്ലാം ആ പത്തുദിവസങ്ങൾ ആഘോഷമാണ്. പക്ഷേ ഇന്നതില്ല. ആകെ ഒറ്റ ദിവസം ഉണ്ടാവുന്ന ഒരു ഫീൽ മാത്രമാണ് ഇന്ന് ഓണം. ഓണം ഓർമ്മകളിൽ ഋതുമന്ത്ര

കണ്ണുരോണം

ചെറുപ്പം മുതൽ അമ്മയ്ക്കൊപ്പം കണ്ണൂരാണ്. അതു കൊണ്ടുതന്നെ എന്റെ എല്ലാ നല്ല ഓർമ്മകളും തങ്ങി നിൽക്കുന്നത് കണ്ണൂരുമായി ചുറ്റിപ്പറ്റിയാണ്. ഓണ കാലത്തെ പത്തുദിവസത്തെ അവധിയും ആഘോഷമാക്കിയ ദിവസങ്ങളൊന്നും ഇനി ഒരിക്കലും തിരിച്ചുവരില്ല. ജീവിതത്തിൽ ഏറ്റവും മിസ്സ് ചെയ്യുന്നതും അതെല്ലാമാണ്.

ഇന്നത്തെ ആഘോഷങ്ങൾക്കൊക്കെ വെറും മണിക്കൂറുകളുടെ ആയുസ്സേയുള്ളൂ. എന്നാൽ പണ്ടൊക്കെ എന്തെങ്കിലും ഫെസ്റ്റിവൽ വരുകയാണേൽ ദിവസങ്ങൾക്ക് മുമ്പ് തന്നെ ആഘോഷം തുടങ്ങും. അതിനു വേണ്ടി മനസ്സും ശരീരവും ഒരേ പോലെ ഒരുങ്ങുന്ന ആ സമയമൊക്കെ സന്തോഷം നൽകുന്നതാണ്. ഓണക്കാലത്തെ സ്ക്കൂൾ ആഘോഷങ്ങളും പൊടിപൊടിക്കും. പൂക്കളമത്സരവും തിരുവാതിരയും അങ്ങനെ ആഘോഷദിനങ്ങളായിരു ന്നു.