7 മാസം മാത്രമുള്ള വികാശിനിയ്ക്കും 97 വയസ്സുള്ള ഗൗരിക്കുട്ടിയമ്മയ്ക്കും അമ്മ

യാത്രയ്ക്കിടയിൽ കിട്ടിയ അമ്മ

- പി. ജയചന്ദ്രൻ

യാത്രയ്ക്കിടയിൽ കിട്ടിയ അമ്മ

 അങ്ങനെയിരിക്കെയാണ് ഒരു യാത്രയ്ക്കിടെ കിട്ടിയത്. അതാണ് സോമരാജന് ഒരമ്മയെ കിട്ടിയത്. ഗാന്ധിഭവൻ എന്ന ഈ കാരുണ്യപ്രസ്ഥാനത്തിന് കാരണമായി മാറിയത്. പുനലൂരിനടുത്തുള്ള കോക്കാട് എന്ന സ്ഥലത്തെ റോഡുവക്കത്തുള്ള ഒരു കൊച്ചുകുടിലിലായിരുന്നു ആ അമ്മ ഒറ്റയ്ക്ക് താമസിച്ചിരുന്നത്. തോരാതെ പെയ്തുകൊണ്ടിരുന്ന മഴയത്ത്, ഒരു തുള്ളിപോലും പുറത്തുപോകാതെ ചോർന്നൊലി ക്കുന്ന കുടിലിന്റെ വാതുക്കൽ റോഡിലേക്കും, നോക്കി കൂനിപ്പിടഞ്ഞിരുന്ന ആ അമ്മയെ കണ്ടപ്പോൾ അവരുടെ ദയനീയത ഓർത്തുമാത്രമല്ല, കുഞ്ഞുന്നാളിലേ നഷ്ടപ്പെട്ട സ്വന്തം അമ്മയെ ഓർത്തും സോമരാജന്റെ കണ്ണുകൾ നിറഞ്ഞു.

പിന്നെ എല്ലാം ഒരു നിയോഗം പോലെയാണ് നടന്നത്. അടുത്തുചെന്ന് ചോദിച്ചു. വരുന്നോ, എന്നോടൊപ്പം.. കാത്തുകാത്തിരുന്ന രക്ഷകൻ മുന്നിലെത്തി വന്നു വിളിച്ചിട്ടെന്നപോലെ, വാക്കുകൊണ്ട് മറുപടി പറയുവാൻ കാത്തുനിൽക്കാതെ അവർ അപ്പോൾ തന്നെ എഴുന്നേറ്റ്, സോമരാജൻ നീട്ടിയ കയ്യും പിടിച്ച് ഒപ്പം നടന്നു.

അതായിരുന്നു തുടക്കം. ഒരു വാടകവീടെടുത്ത് ആ അമ്മയെ അവിടെ താമസിപ്പിക്കുമ്പോൾ പക്ഷേ പിൽക്കാലത്ത് അതൊരു വലിയ കാരുണ്യാലയമാകുമെന്നും സോമരാജൻ കരുതിയില്ല. അതുകൊണ്ടാണ് 2003 ൽ ഒരു സാംസ്കാരിക സംഘടനയായി മാത്രം ഗാന്ധിഭവൻ രജിസ്റ്റർ ചെയ്തത്. സുകുമാർ അഴീക്കോടായിരുന്നു ഉദ്ഘാടകൻ.