Something Special Sonia Agarwal

ബന്ധം വേർപെട്ടെങ്കിലും ശെൽവരാഘവൻ എപ്പോഴും തന്റെ ഗുരുവാണെന്നും താൻ വർക്ക് ചെയ്തിട്ടുള്ള സംവിധായകരിൽ താൻ ഏറെ ബഹുമാനിക്കുന്ന ആദ്യത്തെയാൾ ശെൽവരാഘവനാണെന്നും സോണി പറഞ്ഞു

- എ.കെ

സംവിധായകൻ ശെൽവ രാഘവൻ കണ്ടെത്തിയ നായികനടിയാണ് സോണിയാ അഗർവാൾ, തെലുങ്ക് കന്നട സിനിമകളിൽ അഭിനയിച്ച സോണിയയുടെ തമിഴിലേക്കുള്ള രംഗപ്രവേശം ധനുഷിന്റെ ജോഡി യായി “കാതൽ കൊണ്ടേൻ' എന്ന സിനിമയിലൂടെയാണ്. കൗമാരക്കാരുടെ മനസ്സിനെ ഇളക്കിമറിച്ച് അപ്രതീക്ഷിതമായി വൻവിജയം നേടിയ ഈ ചിത്രത്തിന്റെ സംവിധായകൻ ശെൽവരാഘവനായിരുന്നു.

ആ മഹാവിജയം സോണിയായുടേയും ശെൽവരാഘവന്റേയും ജീവിതത്തെ തന്നെ വല്ലാതെ സ്വാധീനിച്ചു. അനന്തരം ഇരുവരും പ്രണയിച്ച് വിവാഹിതരാവുകയും വേർപിരിയുകയും ചെയ്തു.

"തീറ്ററപ്പായി' ഉൾപ്പെടെ ഏതാനും മലയാളസിനിമ കളിലും തന്റെ സാന്നിധ്യം അറിയിച്ച സോണിയാ അഗർവാൾ ഇപ്പോഴും തെന്നിന്ത്യൻ സിനിമയിൽ സജീവം. ചെറുപ്പക്കാരുടെ വലിയൊരു ആരാധകവൃന്ദത്തിന്റെ ഉടമയായിരുന്നു സോണിയ ബന്ധം വേർപെട്ടെങ്കിലും ശെൽവരാഘവൻ എപ്പോഴും തന്റെ ഗുരുവാണെന്നും താൻ വർക്ക് ചെയ്തിട്ടുള്ള സംവിധായകരിൽ താൻ ഏറെ ബഹുമാനിക്കുന്ന ആദ്യത്തെയാൾ ശെൽവരാഘവനാണെന്നും സോണി പറഞ്ഞു.