நுண்ணூட்ட சத்து உணவு வல்லுனர் படிப்பு!

நாள்முழுவதும் உட்கார்ந்த இடத்திலேயே பணியாற்றுதல், வாழ்க்கை முறை சூழல் ஆகியவற்றின் காரணமாக உடல் பருமன் என்பது அதிகரித்து வருகிறது. அதே போல இரண்டு தலைமுறைக்கு முன்பு மாரடைப்பு, இதய நோய் என்பதெல்லாம் வயது முதிர்ந்தவர்களுக்கு மட்டுமே வரும் என்றிருந்த காலமும் இப்போது மாறிவிட்டது.

- 

யாருக்கு வேண்டுமானாலும், எந்த வயதிலும் மாரடைப்பு உள்ளிட்ட தொற்றா வாழ்வியல் நோய்கள் அதிகரித்து வருகின்றன.

மேலும் இந்தியாவில் சர்க்கரை நோய் பாதிப்பின் தீவிரம் நாளுக்கு நாள் அதிகரித்து வருகிறது. இதற்கெல்லாம் மருத்து வர்கள் மருந்துகள், சிகிச்சை, அறுவை சிகிச்சைகள் ஆகியவற்றை தீர்வாக அளித்து வருகின்றனர். எனினும் மருத்துவர்கள் முன்வைக்கும் இன்னொரு வழிமுறை நமது வாழ்க்கைமுறையில் மாற்றம் தேவை என்பதுதான். வாழ்க்கை முறை மாற்றத் தில் முக்கிய பங்கு வகிப்பது உணவு.

உணவு என்பது ஆடம்பரமாகவும், அதிக செலவு பிடித்ததாகவும் இருக்க வேண்டும் என்பதில்லை. ஆரோக்கியமான நுண்ணூட்ட சத்துகளை கொண்ட உணவுகளை உண்டு ஆரோக்கியமான வாழ்வியல் முறைகளை கடைபிடித்தால் நமது வாழ்நாள் கூடும் என்பது மருத்துவர்களின் அறிவுரையாகும்.

இணைய உலகில் ஆதாரமற்ற வகையில் மனம் போன போக்கில் எழுதப்படும் ஆரோக்கிய குறிப்புகள், உணவு பழக்க வழக்க நடைமுறைகள் பலரின் உயிருக்கு ஆபத்தாகக் கூட முடியும். உரிய பயிற்சி பெற்ற மருத்து வர்கள், ஊட்டசத்து நிபுணர்கள்பரிந்துரைக்கும்

ஆரோக்கியமான வாழ்க்கைமுறைகள், உணவுமுறைகளை மட்டுமே பொதுமக்கள் பின்பற்ற வேண்டும் என்று அரசு அடிக்கடி அறிவுறுத்தி வருகிறது.

எனவே இந்த இடத்தில்தான் ஆரோக்கியமான உணவு பழகத்தை நாம் பின்பற்றுவதற்கு நுண்ணூட்ட சத்து நிபுணர்கள் முக்கிய பங்கு வகிக்கின்றனர்.

பிறந்த குழந்தை முதல் முதியவர்கள் வரை என்ன உணவுகள் எப்படி எந்த அளவு சாப்பிட வேண்டும் என்று ஒரு உணவு முறையை அவர்கள் நமக்குத் தருகின்றனர். தற்போதைய காலகட்டத்தில் நுண்ணூட்ட சத்து நிபுணர்கள் தேவை நாளுக்கு நாள் அதிகரித்து வருகிறது.